கற்றது கைமண்ணளவு

அரசூர் வம்சம்

2009-07-22T13:16:00.006-04:00

ஜெயமோகன் 2கோடி தமிழர்கள் தமிழகத்துக்கு வெளியே வாழ்வதாக ஒரு கணக்கைச் சொல்கிறார்.இத்தனை பேரும் அடுத்த தலைமுறை
அதற்கடுத்த தலைமுறை என்று அவரவர் சமூகம் சார்த்த அறக்கோட்பாடுகளையும் வழக்கங்களையும் மொழியையும் சேர்த்துக்கொண்டும் சிதைத்துக்கொண்டும் இருக்கிறார்கள். அப்படி ஒரு தலைமுறை, கடைக்கு போய்விட்டு வீட்டுக்குள் நுழையும் போது அமர்ந்திருக்கும் விருந்தாளியைப்போல்,சடக்கென உங்கள் வீட்டுக்குள் நுழைந்துவிட்டதைப் போன்றதொரு உணர்வு வருகிறது அரசூர் வம்சத்தை படிக்கும்போது. பனியன் சகோதரர்கள் வருகிறார்கள், வயசன் பறக்கிறார், முடிந்துகொண்டு நலங்குப்பாடல்களை மூத்தகுடிப்பெண்டுகள் பாடுகிறார்கள் நட்ட நடுவே ஒன்றும் புரியாமல் நீங்களும் அமர்ந்திருக்கிறீர்கள்.

மாய எதார்த்த நாவல்கள்(magical realism) வகை நாவல்கள் காலக்கயிற்றில் மாட்டிக்கொண்ட காத்தாடிப்பட்டம் போல் இல்லை இல்லை.. ஊடுநூலும் பாவு நூலும் போல.. வேண்டாம் ஒரு Pendulum போல உங்களை முன்னும் பின்னும் இன்னும் கொஞ்சம் முன்னும் என்று மாற்றி மாற்றி கொஞ்சம் தலைசுற்ற வைக்கிற கதைசொல்லும் வடிவம்.
காபரியேல் மார்க்யூசு சொல்வது போல் கொஞ்சம் அசந்தால் விவரணைகளிலிலேயே சிக்கி மூச்சுத்திணரும். கொஞ்சம் வெளியே வந்து பார்த்தால் வண்ணங்கள் புலப்படும்.கலைடாஸ்கோப்புக்குள்ளிருந்து கலைடாஸ்கோப்பை பார்ப்பது போலத்தான் மாய எதார்த்த நாவல்களும்.எங்கிருக்கிறோம் என்று புரியாவிட்டால் ரசிக்காது.எரிச்சல்
வரலாம்.

அதை எழுத்தில் கொண்டுவருவதற்கான மொழியாளுமை சாதரணமானது கிடையாது. அதுவும் கதையை அதே போக்கில் திகட்டாமல் கொண்டு செல்வது எழுதாளர்களுக்கு ஒரு சவால்தான். ஒவ்வொரு எழுத்தாளுரும் ஒருமுறையாவது அந்த முயற்சியில் எட்டிப்பார்த்து இருப்பார்கள்.அந்த சாதுரியமும் மொழியாளுமையும் இரா முருகனுக்கு அதிகமாகவே இருக்கிறது. பின்னிப் பெடலெடுத்திருக்கிறார் என்றால் அது சிறுமைப்படுத்துவதாகிவிடும்.

அழிந்துபோகும் அரண்மணையையும், மெதுவாய் மாறும் அரசூரையும், புகையிலை வியாபாரம் செய்யும் பிராமணர்களையும், புகையிலை வாசனையையும், பழுக்காத்தட்டு சங்கீதத்தையும் எழுத்தில் கொண்டுவந்திருக்கிறார் இராமு. கப்பலிலும், வீட்டிலும், ஊஞ்சலிலும், அழுக்கேறிய மாடிகளிலும்,அரங்குகளிலும் வரைமுறையின்றி அழுக்கும்,
வியர்வையும், முடைநாற்றுமுகாக எல்லாவகையான காமக்களியாட்டாங்களும் காட்சிப்படுத்தப் படுகிறது. விரசமாய், ஆபாசமாய், அறுவாறுப்பாய் இளிவரலோடு கருதப்படும் பலதும் மறைபொருளின்றி விவரிக்கப்படுகிறது. எல்லாக் காலங்களிலிருந்தும், எல்லாப்பக்கங்களிலிருந்தும், எல்லா வகையான மனிதர்கள், போனஜென்மத்து மனிதர்கள் என்று வகை வகையாக மனிதர்கள் வந்துபோய்க்கொண்டே இருக்கிறார்கள்.ஆச்சரியமளிக்கும் பல மனிதர்கள்(கிறித்தவ பிராமண உட்பிரிவில் ஒருவர்.வரலாறு அறிய ஆவல்)வருகிறார்கள்.

அரசூரில் வசிக்கும் ஒரு பிராமணக்குடும்பம் எப்படி காலவோட்டத்தில் மாறிக்கொண்டு இருக்கிறார்கள் என்று தொடர்புடைய பல்வேறு மனிதர்களுடன் கதை நகர்கிறது அவ்வளவுதான். ஒருகட்டத்தில் கதையோட்டத்தில் தொய்வு ஏற்படுகிறது.

தொய்வுக்கு காரணம் மறுபடி மறுபடி ஒரேமாதிரி மனிதர்களின் குணநலன்கள் மற்றும் காட்சிப்படுத்துதல். ஏனென்று யோசிப்பதில் புதிதாய் தோன்றும் மனிதர்களும் மனிதர்களாகவே இருப்பதும் ஒரு காரணம். அதாவது மனிதர்களுக்கான அடிப்படை குணங்கள் எந்த நூற்றாண்டானாலும்,இடமானாலும்,இனமானாலும் மாறுவதில்லை என்ற குறிப்பதாலும் இருக்கலாம். இது திட்டமிட்டு புனையப்பட்டதா அல்லது என் மேம்போக்கான வாசிப்பு எதிர்பார்ப்பினாலும் இருக்கலாம்.

இராமுருகனின் மொழிநடையில் ஏற்பட்ட தொய்வா என்பது மறுவாசிப்பில், மறுவாசிப்பு என்பதை திரும்பப் படிப்பது என்றே கொள்ளுகிறேன் இங்கே, புரியலாம் அல்லது புரியாமலே போகலாம். இப்போதைக்கு, சுலபமாக, மொழிநடையில் தேக்கம் என்றே பதிவுசெய்கிறேன்.

நான்காண்டுகளுக்கு முன் படித்த காப்ரியேல் மார்க்யூசின் Love in the time of Cholera படித்தபோது பக்கங்களை நகர்த்தித் தள்ள வேண்டி இருந்த்து. பெரும் ஆயாசத்துடம் படித்து முடித்தேன்.

உணவிலும், புத்தகத்திலும் எடுத்ததை முடிக்காமல் இருப்பின், எவ்வளவு மோசமாக இருந்தாலும், கடன்பட்டார் நெஞ்சம் போல் கலங்குவது என் கிறுக்குத்தனங்களில் ஒன்று. முழுமுதல் காரணம் புரியாத இடங்களும்,பார்க்காத வழக்கங்களும்.இரண்டாவது காரணம் நிறைய புதினங்கள் மற்றும் காத்திரமான புத்தகங்களை வாசிக்காத அனுபவமின்மை. அதனாலேயே பெரும் ஆயாசமாய் உணர்ந்தேன். முதல் பிரச்சனை அரசூர் வம்சம் வாசிக்கும்
சிலருக்கு வரலாம். குறைந்தது மலையாளமொழியுடனான என் மிகச்சிறிய பரிச்சயத்தால் (என் உறவினர் பலர் இன்றும் தென்கேரளத்தில் வாழ்கிறார்கள்), சில குழப்பத்தமிழர்களுடுனான
நட்பால் அரசூர் வம்சத்தின் தமிழ்சொற்களிலிலும் அவர்கள் பயன்படுத்தும் சொல்லாடல்களைய பெரிதும் உணரமுடிந்தது.மிகவும் ரசித்தது 'வார்த்தைச்சொல்றது'('பேசுவது') போன்ற வழக்கு மொழிகள். மேலும் என்னால் இராமுருகனின் ஆழமான ஆராய்ச்சியை புரிந்துணர்ந்து ரசிக்கவைக்கிறது. உழைப்பைப்பார்த்து பிரமிக்கவைக்கிறது.

தீவரதமிழ் வாசகனாக(முகத்த உர்ர்னு வச்சுக்கறவங்களா??) விரும்புவோர் ஒருமுறையாவது வாசிக்க வேண்டிய புதினம். இப்படி எல்லாம் சொல்ற அளவுக்கு நான் பெரிய வாசிப்பாளி
இல்லை அதனால.. டிவிட்டரில் போட்ட அதே ஒருவரி விமர்சனத்தை போடுகிறேன். 75% அட்டகாசம் அரசூர் வம்சம்.

என் ego engineஐ பத்தவைத்து, இந்தப்பதிவை அல்லது புத்தகவிமர்சனத்தை எழுதவைத்த யாத்ரீகனுக்கு நன்றிகள்.

சிந்தாநதி - அஞ்சலி

2009-07-08T15:08:00.002-04:00

நேற்று டிவிட்டரில் சிந்தாநதி மறைந்துவிட்டார் என்ற செய்தியைப் பார்த்தபோது மிகவும் அதிர்ந்துபோனேன். சிந்தாநதி என்னும் பெயரைக்கேட்ட உடனே எனக்கு நினைவுக்கு வருவது அவரின் 'எண்ணச்சுழலில் எதிர்நீச்சலிட்ட எழுத்துப்படிமங்கள்' என்னும் கவித்துவமான வரிகள் தான். இரண்டு வருடங்களுக்கு முன் மிகவும் துடிப்போடு தமிழ்ப்பதிவுலகில் இயங்கிக்கொண்டிருந்தவர் திடீரென காணாமல் போய்விட்டார். பதிவுலகில் மிக மிகச்சிலருடன் மட்டுமே மின்னரட்டையில் பேசுவதுண்டு.அவர்களில் ஒருவர் சிந்தாநதி. இரண்டு மாதங்கள் முன் திடீரென ஒருநாள் வந்தவரைக்கண்டு மகிழ்ந்தேன். சில நிமிடங்கள் பேசியதிலேயே, எதோ பிரச்சனைகள் வரமுடியவில்லை என்றார். அவரின் இயர்பெயர் என்ன எனபது கூட தெரியாது.பல இடங்களிலும் அவரே இயர்பெயரை குறிப்பிடாமல் தவிர்த்தது கண்டு நாகரிகம் கருதி கேட்காமலே இருந்துவிட்டேன். இப்போது கேட்டிருக்கலாமோ என்று தோன்றுகிறது. இன்னும் சில நிமிடங்கள் பேசி இருக்கலாம்.ஏதாவது உதவி தேவையா என்று கூட கேட்டிருக்கலாம். இப்போது வருந்துகிறேன்.

முன்பெல்லாம் அடிக்கடி அரட்டையில் வருவார்.மிகவும் பின்னரவாகக்கூட இருக்கும்.அமரிக்க பகல் நேரத்தில் என்ன இந்த இந்த நேரத்தில் என்றால் ஏதாவது அவர் பணிசெய்யும் கணித்தமிழ் வேலையை விவரிப்பார். கணித்தமிழ் சுவடி உருவாக்கியபோது என்னிடம் அனுப்பி கருத்துகள் கேட்டார். சற்றுமுன், கணிமை.காம் உருவாக்கிய போது எப்படி இருக்கு ஒரு வார்த்தை கேட்பார். என்னை மாதிரி துக்கடா பதிவனிடம் கூட கருத்துக் கேட்டு மாற்றங்கள் செய்யும் அவரின் பண்பை பார்த்து வியந்திருக்கிறேன். அவரிடம் சொல்லியும் இருக்கிறேன். மிகவும் இனிமையாக உரையாடுவார்.

அவரின் பின்புலம் எதுவுமே தெரியாது. இப்போது அவரின் அஞ்சலிப் பதிவுகளைக் கண்டபோதுதான் நோய்வாப்பட்டு இருந்திருக்கிறார் என்றே தெரிகிறது. தமிழ்க்கணிமை நல்ல ஒரு மனிதரை இழந்துவிட்டது நமக்கு பேரிழப்பே.

நான் படித்த முதல் தமிழ்ப்பதிவு அவருடையது தான் என்பதை நினைக்கும் போதே நெஞ்சம் மேலும் கனக்கிறது. அவரின் ஆத்மா சாந்தியடைய பிரார்த்திக்கிறேன். குடும்பத்தாருக்கு என் ஆழ்ந்த இரங்கலை தெரிவித்துகொள்ளுகிறேன். எவ்வகையிலாவது உதவி தேவை என்றால் குடும்பத்தார் தயங்காது கேட்குமாறு வேண்டுகிறேன்.

மற்ற அஞ்சலிப் பதிவுகள்.

ரவியின் அஞ்சலிப்பதிவு

காசியின் அஞ்சலி

சிந்தாந்தியின் பதிவில் அஞ்சலி

வலைச்சரத்தில்

சங்கம்

K.S Nagarajan அஞ்சலி

செந்தழல் ரவியின் அஞ்சலி

மே மாத புகைப்பட போட்டிக்கு

2009-05-13T22:39:00.003-04:00

மே மாத புகைப்பட போட்டிக்கான என் படம்.

எகொஇச?

2009-03-09T11:15:00.004-04:00

ஆங்கிலச்சொற்களை ஆங்கிலத்திலேயே எழுதுவது நான் அடிக்கடி முயலும் சங்கதி. மின்னஞ்சல்களில், ட்விட்டரில் எல்லாம். எத்தனை கலப்படம் செய்கிறேன் என்று அறிந்துகொள்வதற்காக.
படத்தை பாருங்கள்.
சட்டென்று முகத்தில் அறையும் கலப்படம் தெரிவது முன்னேற்றமா அல்லது இன்னும் மிச்ச்சொச்சம் மறைந்து ஆங்கிலமே அகிவிட்ப்போவத்தற்கான வீழ்ச்சியா? தெரியவில்லை. இப்போதைக்கு தோன்றுவது தலைப்பு.

ஆறு வார்த்தைக் கதைகள்

2009-03-07T06:16:00.000-05:00

டிவிட்டரில் எழுதிய ஆறுவார்த்தைக்கதைகள், ஒரு வரிக்கதைகள். டிவிட்டிரில் அழிந்தே போய்விடுகிறது. சேர்த்துவைத்தலுக்காக இங்கே பதியப்படுகிறது.
1) 'டேய் குப்பையை அள்ளிப்போட்டு வாசலை பெருக்கி சுத்தம்பண்ணீட்டு காசு வாங்கிட்டுப்போ' பத்து வயது முத்துவை விரட்டினார் பிளேஸ்கூல் மொதலாளி.

ஆறுவார்த்தைக் கதைகள்
1) நாவல்.சிறுகதை.ஆறுவார்த்தைக் கதைகள்.சைக்கியாட்ரிஸ்டுகளுக்கு ஏறுமுகம்

2)பின் தூங்கி. முன் எழுவார். பத்தினிகள். பதிவர்கள்

3)வெளிநாட்டு வாழ்க்கை. கைநிறையக் காசு. பெற்றோர் படமாக

4)கட்டுப்பாடற்ற பொருளாதாரம். CVS பார்மஸியில் சிகரட் விற்பனை

சிறுகுற்றம் பெருங்கேடு

2009-01-06T22:56:00.005-05:00

முதலில் சொல்லிவிடுவது நலம்: பலருக்கு இது வெறும் நூறு ரூபாய் குற்றம்.

நாடோடி வாழ்க்கையில் இரண்டு மாதம் மின்கட்டணம் கட்டாமல் கிடந்த்து. அதை இன்று காலை கட்டிவிடலாம் என்று வீட்டருகில் இருக்கும் பெஸ்காம்(BESCOM) தன்னியக்க சேவை மையத்துக்கு சென்றேன். இந்த இயந்திரங்கள் வழக்கமாகவே சில ரூபாய் நோட்டுக்கள் பிடிக்காமல் துப்பிவிடும். சில தாள்களை இவை ஏற்காது துப்பிவிடுவது நேர்வதுதான். ஏற்றகாசுக்கு
ஒழுங்காக கணக்கு காட்டும். வழமையாக மின்கட்டணம் கட்டுவது இங்கேதான் என்பதால் கட்டவேண்டிய 626ரூபாய்க்கு கூடவே ஒரு நானுறு ஐநூறு ரூபாய் இருப்புடனே சென்றேன்.எனக்கு முன் வந்த ஒரே ஒருவர் மட்டும் ஒரு காசோலையை அதை ஏற்கவைக்க மல்லுக்கட்டிக்கொண்டிருந்தார். வழக்கமாக காசோலைகளை உடனே ஏற்றுக்கொண்டுவிடும்( குறைந்தபட்டசம் இம்மைய இயந்திரம்). அவர் சரி வேலைக்காகாது என்று எனக்கு வழிவிட்டார்.

ஒரு நூறு ரூபாயைக்கூட ஏற்காமல் துப்பிக்கொண்டிருந்தது. மற்றவர் ஐநூறு ரூபாய்த்தாளை கடனாகக் கொடுத்தார்.அதையும் ஏற்கவில்லை. சிறிது நேரம் தாள்களை மாற்றி மாற்றி மல்லுக்கட்டியபோது ஒரு நூறுரூபாய்தாளை ஏற்றுக்கொண்டது. கதையை சுருக்க ஒரு ஐநூறு ரூபாய்த்தாளையும் ஏற்றுக்கொண்டு கணக்கு காட்டியது. அடுத்து ஒரு நூறு
ரூபாயை தின்றுவிட்டு கணக்கு காட்டவில்லை. காலையிலேயை ஆரம்பிச்சாச்சு விவகாரம் என்று நினைத்துக்கொண்டே மனம்தளரா விக்கரமாதித்தனாக அதோடு போராடி பத்து மற்றும் இருபது ரூபாயை ஏற்றிவிட்டு அலுவலைமுடித்தால் ரசீது வரவில்லை.

இவ்வியந்திரம் ஒரு சிறிய அறையின் முன்வாசலில் இருந்தது. அருகில் ஒரு கதவு தாழிடாமல் இருந்ததது. திறந்து உள்ளே சென்றால் இயந்திரத்தின் பின்பகுதியை மூடியவாறு ஒரு சிறு கண்ணாடி அறை. எதுவும் தெரியாமல் இருக்க உட்பக்கமாக Thermocol ஒட்டி வைத்து இருந்தது. கொஞ்சம் உற்று பார்த்தால் ஒரு மனிதனின் கைதெரிந்தது. அறையின் கதவு உட்பக்கம் தாழிடப்பட்டு இருந்தது. கதவை இருமுறை தட்டினேன் பதிலில்லை. உள்ளிரந்தவன் ஒளிவது தெரிந்தது. வந்த கோபத்தில் விட்டேன் நான்கு உதை.
கதவை சிறிதாக திறந்து 'ஏனு பேக்கு' என்றான். இந்தியில் பில் வரவில்லை என்றேன்.திரும்பி இயந்திரத்தை திரும்பி பார்த்தான். கிடைத்த இடைவெளியில் பார்த்தால் இயந்திரம் முழுக்க பிய்த்துபோட்டு திறந்தமேனியாக இருந்தது. அமைதியாக அவன் உட்பக்கமாக கையை விட்டு பில்லை கிழித்து கொடுத்தான். சற்றே கிடைத்த கதவிடுக்கில் கையை வைத்துக்கொண்டு நூறு ரூபாயை தின்று விட்டது என்றேன். ஏனு ஏனு என்று புரியாதவனாக விழித்துவிட்டு இந்தி கொத்தில்லா என்றான்.
'நனகே கன்னடா பரத்தே' என்று கன்னடத்துக்கு தாவினேன். இதை முதலில் அவன் எதிர்பாக்க்கவில்லை. திரும்பவும் விளக்க 'ஒருமணி நேரம் கழித்து வா' வேறொருவர் வந்து பில்லை சரிபார்ப்பார் என்றான்.

உடனே கதவை விலக்கி அவன் சட்டையை கொத்தாக பிடித்தேன்.அடுத்து அருகிருத்த மின்சார ஸ்விட்சுகளை அணைக்க
முயன்றேன். நெற்றியில் விபூதி கீற்றுடன் அமைதியான முகத்துடன் இருந்தவன் சடக்கென்று சட்டையை பிடித்ததை அடுத்து எதிர்ப்பாக்கவில்லை. நெடுநெடு மாறன்களும் அழுக்கு குலையா ஐடி கம்பெனி காரர்களையும் மட்டுமே பார்த்தவனுக்கு மற்றோர் போலவே போனாப்போகுது என்று விட்டுவிட்டு போய்விடுவேன் என்று நினைத்தான் போலும். பதறிவிட்டான். மிக சிறிய அறையில் அவனை சுவற்றோடு அழுத்தி சட்டையையும் பிடித்ததால் அவனால் நகர முடியவில்லை. சுதாரித்து நான்
அரசாங்க ஊழியன் என்றான். ஐடி கார்டை காட்டு என்றேன். திரும்பவும் ஏதோதோ சொல்ல முயன்றான். அவனை விட்டுவிட்டு வெளியில் இருந்தவரை கூப்பிட்டு போலீசை கூப்பிடுங்கள் என்றேன். திரும்பவும் ஒரு மணி நேரம் என்று ஆரம்பித்தவனை ஒன்று நீ ஐடி கார்டை காட்டு அல்லது இயந்திரத்தை நான் அணைக்கப்போகிறேன் அடுத்து காவல்துறை வரும்
என்றேன்.

திருதிருவென விழித்துவிட்டு நீங்க நெசமாவே நூறு ரூபா போட்டு பில் வரலையா என்றான்.உங்கிட்ட ஐடி கார்ட் இல்லை இனிமே கேள்வி கேட்டால் மண்டையை உடைத்துவிடுவேன் என்றேன். இருங்க வரேன் என்று கண்ணாடி அறையில் நுழைந்தவன் ஒரு நோட்டு புத்தகத்துடன் வந்து ஒரு நூறு ரூபாய் நோட்டை குடுத்துவிட்டு 'நான் இதுல உங்க பில் நம்பரை
எழுதிக்கிறேன். நாங்க அப்புறமா சரி பாக்கறோம். நெசமாவே பணம் இருந்துதுனா பரவாயில்லை இல்லைன்னா நீங்க திரும்பிவந்து இந்த நூறு ரூபாயை குடுங்க என்றான'. " என்னை இன்னுமாடா பயந்த சொங்கிப்பய என்று நினைச்சுகிட்டு இருக்க" என்ற நினைத்தவறே திரும்பி வந்தேன்.

1. மேல் நடவடிக்கை எடுக்காத காரணம். உள்ளே இருப்பவன் கட்டாயம் திருடன் இல்லை. இதில் யார் யாரோ சம்பந்தப்பட்ட ஒரு குற்ற வலை. பெங்களுரில் எந்த விதமான பின்புலமும் இல்லாத நான் இதை தட்டிக்கேட்பதை விட வேறு வழிகளை பார்ப்பது நலம்.

2. உள்ளூர் மொழி தெரியாமல் அதை கற்க மாட்டேன் என்று அடம் பிடிக்கும் பல இந்திக்காரர்களை உள்ளூர் ஆட்கள் கொள்ளை அடிப்பதை பலமுறை பார்த்திருக்கிறேன். இலக்கணப்பிழையுடனான சிலபல ஆங்கில மற்றும் இந்தி வார்த்தைகளுமான கன்னடமாக இருப்பினும் பேசத்தெரிந்து இருக்காவிடில் கட்டாயம் வேலைக்கு உதவாது

3. நூறு ரூபாய் தானே திரும்பிவிடலாம் என்றே உண்மையில் முதலில் நினைத்தேன். வெறும் ஐந்துக்கும் பத்துக்கும் சென்னை நகர சாலைகளை கால்களால் தேய்த்த பல நாட்கள் நினைவில் நிழலாடியது. விடத்தோன்றவில்லை.

4. இனிமேல் இணையவழி செலுத்துதலை மட்டுமே செய்வதாக உத்தேசம்.

5. இந்த தளத்தில் போய் அழுதாயிற்று.

ஜெயாக்கா!!

2008-10-02T09:16:00.004-04:00

ஊருக்கே அவர் ஜெயாக்கா தான்.4;30 க்கு எழுந்து டாக்டர் வீட்டுக்கு சொஸைட்டியில் பால் வாங்கி வருவதிலிருந்து பதிணொண்ணோ பன்னிரண்டோ அடிக்கும் வரை வாரம் ஏழு நாட்களும் ஊரெல்லாம் கால்கள் ஓடிக்கொண்டிருக்கும். நாலே நாலு மிக நீண்டதெருக்களுள்ள ஊரில் அவர் வேலை செய்யாத வீடு என்று எதுவும் கிடையாது.

தாலுகாபீஸ் அம்மாவுக்கு வீட்டிலேயே பிரசவத்தின் போது செவிலி வேலை முதல் குழந்தைவளர்ப்பு வேலை. கடைக்காரர் வீட்டில் தினசரி வீட்டு வேலை. மைத்துனரின் ஓட்டலில் பாத்திரம் தேய்க்கும் வேலை இதைத்தவிர ஒரு அலுவலகத்தை பெருக்கும் வேலை இதைத்தவிர அவ்வப்போது அழைக்கும் வேலைகள் என்று வேலை ஓடிக்கொண்டிருக்கும். பொதுவில் ஊர் அவரிடம் மிகவும் அன்பாகவே நடந்துகொண்டது. அல்லது இளம்பருவத்தில அவ்வாறே எனக்குப்பட்டது.

தேவையென்றால் கடன் வாங்கிச்செல்வார் வேறு ஒருவரிடம் கடன் பெற்றோ உழைப்புக்கு முனபணமோ பெற்று அந்தக் கடனை சில வாரங்களில் அடைப்பார். உழைப்பு மட்டுமே மூலதனம். ஒரே கனவு, குறிக்கோள் வகைக்கு இரண்டான தன் நான்கு குழந்தைகளையும் படிக்க வைக்கவேண்டும் என்பதே. பெரியவனுக்கு பத்து வயதிருக்கும். கடைசி பெண்ணுக்கு மூன்று நான்கு வயதிருக்கும்.கணவர் பெரும் குடிகாரர். வேலை எல்லாம் செய்து பார்த்ததே கிடையாது. எப்போதாவது ஜெயாக்கா அம்மாவிடம் தெருவில் போகும் போது நாலு வார்த்தை பேசிவிட்டுப் போவார். அச்சமயம் அடியும் சண்டையும் பற்றி ஓரிரு வார்த்தே சொல்லக்கேட்டு இருக்கிறேன். வேலைக்கு ஆள் வைக்கும் அளவுக்கு எங்கள் வீட்டு பொருளாதாரம் இடம் கொடுத்ததில்லை. ஒருமுறை ஏதோ காரணத்திற்காக வீட்டுக்கு வந்தவர் வீட்டின் ஒரு மூலையில் படுத்து உறங்கிவிட்டார். அவர் திடீரென்று படுத்து தூங்கிட்டார் என்று அம்மாவிடம் போய் சொன்னேன். அம்மா பதறி அடித்து ஓடி வந்து தண்ணீர் தெளித்து எழுப்பி சாப்பிட வைத்தார்கள். மயக்கம் என்ற வார்த்தையும் அதற்கான விளக்கமும் முதல் முறை அப்போது தான் தெரியும். சரியாகப் புரியவில்லை.

மைத்துனர் வைத்திருந்த சிறிய சாப்பாட்டுக்கடையில் கூட வேலை செய்வாரே தவிர சாப்பிட மாட்டார். குழந்தைகளையும் சாப்பிட அனுமதிக்க மாட்டார். அவருக்கு தெரியாமல் கொடுத்தால் தான் உண்டு.

பெரியவன் ஒரு முறை பீடி பிடிக்கிறான் என்று தெரிந்தது அவருக்கு மிகப்பெரிய பாதிப்பாக இருந்திருக்கவேண்டும். அடி பின்னி எடுத்துவிட்டார். கணவரைப்போல தன் மகனும் சீரழிந்து விடுவானோ என்று பயந்து விட்டார்.கடன் கொடுத்தவரோ யாரோ என்ன சொன்னார்களோ தெரியவில்லை ஒரு நாள் பெரியவனை தவிர மற்ற மூன்று குழந்தைகளையும் அழைத்துக்கொண்டு ஊருக்கு வெகு தொலைவில் இருந்த BDO அலுவலக கிணற்றில் தன் இரண்டு பெண் குழந்தைகளையும் தூக்கி போட்டு விட்டார். என்ன புரிந்ததோ தெரியவில்லை அம்மா செய்வதை பார்த்த இளைய மகன் அங்கேயிருந்து ஓட ஆரம்பித்துவிட்டான். கண்ணெதிரே மகள்கள் இறப்பதையும் பார்த்துவிட்டு கடைசி நமிட பயத்தில் ஆலாய்ப்பறந்து விட்டு கிணற்றில் குதித்துவிட்டார் ஜெயாக்காவும். எதிர்பாரா இடத்தில் சிறுவன் ஓடிவருவதைப்பார்த்த பெரியவர் ஒருவர் பிடித்து கேள்வி கேட்க அவன் சொன்னதைக்கேட்டு ஓடிப்போய் கிணற்றில் குதித்து ஜெயாக்காவையும் குழந்தைகளையும் காப்பாற்றி இருக்கிறார். ஜெயாக்கா மட்டுமே பிழைத்தார். நீதிமன்றத்தில் கொலை செய்யத்திட்டமிட்டது, தற்கொலை முயற்சி, இரண்டு கொலைகள் என்று பல்வேறு வழக்குகளில் ஆயுள் தண்டனை கொடுத்த அன்று அவருடைய கணவர் தெருத்தெருவாக குடித்துவிட்டு பைத்தியம் பிடித்ததுபோல் ஓடியது இன்றும் நினைவில் இருக்கிறது.அவர் மகன் சில மாதங்களுக்கு பிறகு தற்கொலைக்கு முயன்று சிறவர் சிறைச்சாலையிலோ மனநலகாப்பகத்திலோ சில மாதங்கள் இருந்து விட்டு படிப்பை நிறுத்தி விட்டு வேலை செய்யப்போய்விட்டான்.

சில மாதங்கள் தனிமைச்சிறையில் இருந்து விட்டு பொதுசிறைச்சாலைக்கு மாற்றப்பட்ட ஜெயாக்கவை மாதம் ஒருமுறை வேலூர் சிறைக்கு போய் வந்து மனைவி நன்றாக இருப்பதாகவும் இறந்த குழந்தைகளை நினைத்து அழுவதாகவும் மட்டும் தானாகவே சொல்லித்திரிவார் கணவர். குடியை மொத்தமாக நிறுத்திவிட்டதாகவும் எப்போதாவது குடித்துவிட்டு விழுந்து கிடந்ததாகவும் ஊர் சொல்லக்கேள்வி.

காந்தி பிறந்த நாளை உலக மதுஒழிப்பு தினமாக அறிவிக்க இந்திய அரசு கோரி இருந்தது என்ன ஆயிற்றோ தெரியவில்லை.

புகைப்படப் போட்டிக்கு - 6

2008-09-13T20:12:00.005-04:00

இது போட்டிக்கு

இதெல்லாம் சும்மா.

அம்புலிமாமா, கோகுலம், பூந்தளிர்

2008-09-09T21:35:00.006-04:00

சின்ன வயதில் விழுந்து விழுந்து வாசித்த இலக்கியப்புத்தகங்கள். நல்ல சிந்தனைகளையும் பண்புகளையும், தமிழையும் பேச்சு மற்றும் எழுத்தாற்றலையும் (அட பரீட்சைகளில் வரும் கட்டுரைகளைத்தாங்க) வளர்க்க இவை பெரிதும் உதவி இருக்கின்றன என்பதை இப்போது உணர்கிறேன். அதனாலேயே இப்போதும் இதுபோன்றவை கையில் சிக்கினால் வாசிக்காமல் விடுவதில்லை. கதைகளின் எளிமையையும் பாங்கையும் தாண்டி இக்காலகட்டத்தில் என்னமாதிரியான வாழ்வியல் சிந்தனைகளை, நல்ல பண்புகளை இவை அறிவுறுத்துகின்றன என்பதை கவனிக்க தவறியதில்லை. பெரிய பெரிய இலக்கியப்பொதிகளை எல்லாம் வாசிக்க பொறுமையும் நேரமும் இருப்பதில்லை. ஆனால் மூன்றாம் வகுப்புவரை சொல்லிக்கொடுத்தைக்கூட 'கற்றபின் நிற்க' முடியாமல் வாழும் போது சிறுவர் புத்தகங்களை அறிவுக்குறுக்கம் கொண்டவை என்று விலக்க முடிவதில்லை. சட்டென முடிந்துவிடும் கதைகளின் கருத்து சொல்லும் 'ஆறுவது சின'மோ 'பொறாமைப்படாதேயோ' இரண்டு நாட்கள் முன்பு வந்த கெட்ட சிந்தனையை ஞாபகப்படுத்த தவறியதில்லை.

தினமணியில் வரும் மந்திரவாதி மாண்ட்ரேக்கும்(இதெல்லாம் இன்னும் வருதா?) பூந்தளிரில் வரும் சிறு சிறு அழகான பாடல்களும் ஈடுஇணையற்றவை. அம்புலிமாமாவைப்பொருத்தவரை அதன் அரசர் காலத்துக்கதைகளும், 'மண்டை வெடிக்க வைக்கும்' வேதாளத்தின் புதிர்கள் மிகவும் பிடித்தமானவை.
இவை இருந்தாலும் மிகவும் பிடித்தது கோகுலம். இதில் கடிதம் எழுதிப்போட்டு கருத்து சொல்வது(அப்போவே ஆரம்பிச்சாச்சு), உறுப்பினர் அட்டை வாங்கி நண்பர்களிடம் காண்பிப்பது என்று இருந்தது மேலாண்மையில் Cult marketing பற்றி எழுதும்போது Case studyக்கு உதவியது.

கோகுலத்தில் வரும் 16பக்க வண்ணப்படக்கதை இப்போதும் வருகிறதா என்று தெரியவில்லை. வீட்டுக்கே வரும் இதழுக்காக பொறுக்காமல் மாதாமாதம் எப்போது வரும் என்று கடைக்கே சென்று கேட்டு நச்சரித்ததும் இனிய நாட்கள்(கடைக்காரருக்கல்ல). அநியாயத்துக்கு காசு கேக்கறாங்க இப்போ. அப்போவே விற்பனை குறைவுன்னு புலம்புவாங்க அப்படி இருக்கையில் இலவசமா கொடுத்தா கொஞ்சம் விளம்பர வருவாயாவது வரும்.(கருத்து !!)

சரி இப்போ எதுக்கு இந்த ஊதுவத்தி சுற்றல்? வழக்கம் போல வெட்டியா இணையத்தை மேயந்த போது அம்புலிமாமா சிக்கியது. யாருக்காவது தெரியாமல் இருந்தா உதவட்டுமேன்னு ஒரு 'அறம் செய்ய விரும்பு'னதுதான்.

புரட்சி நாளை வருகிறது!!

2008-09-01T19:27:00.007-04:00

இணையத்தை பத்துவைத்துவிட்டு இன்று மெதுவாக
கூகிளாண்டவர் கடைசியில் ஒத்துக்கொண்டுவிட்டார். ஓய்ந்துபோயிருந்த இணைய உலவிச்சண்டையை ஆளுக்கு பாதியாக IEயும் FFம் பிரித்துக்கொண்டு நிம்மதியாக வாழ்ந்துவரும் இவ்வினிய காலத்தில் குட்டையைக் குழப்ப கூகிள் தன்னுடைய Chrome எனும் உலவியை நாளை வெளியிடுகிறது.
சில முக்கிய அம்சங்களாவன
1. திறந்தவூற்று மென்பொருள்

2. முக்கமுழுக்க புதிதாக Javascript VM ஒன்றை v8 எனும் புதிய இயங்கி ஒன்றை உருவாக்கியிருக்கிறார்கள்(மற்ற உலவிகளில் இதை வேண்டுமெனில் சேர்த்துக்கொள்ளலாம்.

3. ஒரே ஒரு tabஐ மட்டும் மிகுந்த கட்டுப்பாடுடன் இயக்கமுடியும். அதாவது அதில் நீங்கள் என்ன செய்கிறீர்கள் என்பது உங்களுக்கும் தொட்ர்பு கொண்ட வழங்கிக்கி மட்டுமே அறியமுடியும். இதனால் கடவுச்சொல் திருட்டு, உங்களுக்கு தெரியாமல் கணினியில் மென்பொருள் நிறுவுவது, கடனட்டை விவரத்தை திருடுவது போன்றவை திருடாமல் தடுப்படும்.

4. மிகமுக்கியமாக ஒவ்வொரு tabம் ஒரு தனிஉலவிபோல் செயல்படும் அதாவது ஒரு tab சிதைந்தாலோ இயங்காமல் நின்று போனாலோ அல்லது மென்பொருள் இடியாப்பச்சிக்கலில் செயலிழந்தாலோ எல்லாம் சிதையாது. சுருங்கச் சொல்லின் முன்பு browsers=> tabbed browsers என்று இருந்தது இனி browsers in tab என்றாகிறது.

5. webkitஐ அடிப்படையாக கொண்டு இயங்குவதால் வன்பொருள் சார்பின்றி கையடக்க கருவிகளிலும் வம்பின்றி இயங்கும்.

6. ஒரு தொடக்க பக்கத்தில் நீங்கள் அடிக்கடி செல்லும் பக்கங்களை நினைவில் வைத்து ஒரு சிறு சுவரொட்டி போல கொடுக்கப்போகிறது. (இதை operaவில் பார்த்திருக்கிறேன்.)

7. FF, Opera, IE போன்றவற்றின் நல்ல சங்கதிகளை உருவிய புதிய மொந்தை இது.

8. API களை இதோடு தருவதால் புதிய உலவிசார் மென்பொருட்களை உருவாக்க வழிவகுக்கிறது.

9. மிக அதிக வேகத்தில் இயங்கும் என்று கூகிள் உறுதி அளிக்கிறது.

10. உலவிகளுக்கென்று இதுவரை கட்டுப்பாடு கொண்ட வழிமுறைகள்(standards) இருந்ததில்லை இதன்மூலம் சில வழிமுறைகள் உருவாகும் என்று எதிர்ப்பார்க்கப்படுகிறது.

11. மெருகேறிய நினைவக குப்பை கூட்டலையும்(garbage collection :-)) சரி பண்ணி இருக்கிறது. கட்டாயம் நினைவக கசிவு இருக்காது என்று சத்தியம் செய்கிறது. பார்ப்போம்.

Geckoவிற்கும் Webkitக்கும் இருந்த போட்டி இந்த முறை webkitக்கு போகும் என்று நினைக்கிறேன். FFக்கு கடும் போட்டியை இது உருவாக்கப்போகிறது.
அடிப்படையில் இருந்த ஓட்டை உடசல்கள் சிலதை சரி செய்து இருக்கிறது.
சில புதிய சிக்கல்களை உருவாக்காமல் இருந்தால் சரிதான்
***
உரிமைத்துறப்பு மற்றும் இன்னபிற
* தலைப்பை வேறு எதோ பதிவில் எப்போதோ பாத்த நினைவு. யாராவது காப்புரிமை எடுத்திருந்தால் அடிக்க வராதீர்.
*மேலதிக விவரங்கள் இணையத்திலும், இங்கும், கூகிள் புத்தகத்திலும்.
*இன்னும் நிறைய சங்கதிகளை மற்ற பதிவுகளில் விவரமறிந்தோர் இன்னும் விவரமாக எழுதுவார்கள் ;-))

VoIPக்கு கதவை திறக்குது இந்தியா!!

2008-08-19T16:47:00.005-04:00

இந்தியத் தொலைத்தொடர்புத் துறையில் நெடுநாளைக்குப் பிறகு ஒரு நல்லது நடக்கிறது. VoIP ஒரு வாய்ப்பு மிக்க நுட்பம். கூகிள் டாக் முதற்கொண்டு இணையத்தில் தொலைபேசும் பலரும் உபயோகிக்கும் நுட்பம். கடந்த பத்தாண்டுகளாக தொலைத்தொடர்பு துறை தாதாக்களையும் தாத்தாக்களையும் பயப்பட வைத்த வித்தை. PSTN எனப்படும் பழைய தொலைத்தொடர்பு நுட்பத்தில் இன்றும் உலகத்தில் பெருமளவு 'பேச்சு' நடைபெறுகிது. இதை குறிப்பிடத்தக்க நுட்ப அளவில் மாற்ற முயன்றது 'செல்பேசி' எனப்படும் Cellular நுட்பமே. இதுவும் 'கடைசி மைல்' எனப்படும் உங்கள் வீட்டுக்கும் தொலைத்தொடர்பு பின்னலின் நுனியில் உள்ள அலுவலுகத்துக்குமான தொடர்பை மாற்றியது. VoIP அடுத்த அளவில் இந்த வலைப்பின்னலையே மாற்ற முயன்று பெருமளவு மற்ற நாடுகளில் மாற்றியது.

இந்தியாவில் இதுவரை கணினி-கணினி பேச்சையும் கணினியிலிருந்து வெளிநாட்டு(VoIP அனுமதிக்கும் நாடுகளுக்கான) எண்களுக்கு பேச முடிந்தது. அதாவது முழுக்க இணையத்தில் 'பேச்சு' செல்வதாய் இருந்தால் அனுமதிக்கப்பட்டது. இந்தியாவிற்குள் ஒரு இணைய தொடர்பிலிருந்து நேரடியாக ஒரு தொலைபேசிக்கு பேச முடியாது.காரணம் இணைய சேவை நிறுவனங்களும் தொலைபேசி நிறுவனங்களுக்குமான தொடர்பு அனுமதிக்கப்படவில்லை. அதற்கு கட்டுப்பாடு இருந்தது. இதுவே அகலப்பட்டை இணைப்பை வைத்து தொலைபேசி கட்டணத்தை குறைக்க முயன்ற பல நிறுவனங்களுக்கும் இடைஞ்சலாக இருந்தது. இப்போது இதை அனுமதிப்பதால் என்ன நடக்கும்.

1. புதிதாய் Vonage போன்ற நிறுவனங்கள் தொன்றலாம்.
2. உள்ளூர் மற்றும் வெளிநாட்டுக்கு பேசும் கட்டணங்கள் பெருமளவு குறையும்.
3.இலவச (தரம்குறைந்த) மென்பொருள் பேச்சு வசதிகள் பெருகும்.
4. தொலைத்தூர தனிக்கட்டணம் என்ற தொல்லை ஒரேயடியாக ஒழியலாம்.
5. அலுவலங்களுக்குள்ளே தடையற்ற தொடர்பு கிடைக்க இது உதவும்.
6.குழப்பத்தை குறைக்க பத்து எண் தொடர்பு முறை பரவலாகும்.
7.BPO நிறுவனங்களுக்கு லாபம் பெருகும்.
8. கிராமங்களில் தொலைபேசித் தொடர்பு பரவலாகும்.
இன்னும் பல ..லாம்கள் நடக்கும்.

புகைப்பட போட்டிக்கு-5

2008-01-15T07:49:00.001-05:00

இதோ நம்ம இரண்டு படங்கள்

மத்தெலாம் தினமும் உபயோகிக்கும் பொருட்களில் சேத்துக்க முடியாது அப்படின்னா ஒண்ணும் பண்ண முடியாது ;-)

புகைப்படங்கள்

2008-01-09T07:16:00.000-05:00

Reply All மற்றும் மின்னஞ்சல் குளறுபடிகள்

2008-01-08T06:09:00.001-05:00

சக பதிவர் ஒருவர் ஏராளமான மின்னஞ்சல் முகவரிகளுடன் அனுப்பிய புத்தாண்டு வாழ்த்துச்செய்தி அவர் கதறக்கதற இன்றும் வெற்றிகரமாய்
நடைபோட்டு வரும் வேளையில் ஐயா ஆளைவிட்டுடுங்கன்னு அவர் கெஞ்சினாலும் விடாமல் வேறு அவதாரம் கொண்டு இன்றும் அலைகிறது

எல்லா மென்பொருள் அலுவலகங்களிலும் இந்த IT department எனப்படும் வன்பொருள் பிரச்சனைகளை சரி பண்ண இருக்கும் துறையைக்கண்டாலே கடுப்பாக இருக்கும்
அதுவும் கொஞ்சம் பெரிய நிறுவனமாய் இருந்தால் கேட்கவேண்டாம் அவர்கள் பண்ணும் தொல்லைகள் சொல்லி மாளாது( எல்லாம் நம்ம நல்லதுக்குதான் என்றாலும்..)
சிறுது நாட்கள் முன்பு அந்த துறையில் இருந்து ஒருவர் ஒரு பெரிய குழுவுக்கு(தெரியாத்தனமாய்) ஒரு மின்னஞ்சலை தட்டிவிட்டார்.நல்ல உபயோகமான தகவல்தான்.
பார்த்தார்கள் மக்கள் இருந்த கடுப்பையெல்லாம் காட்டிவிட்டார்கள். எப்படி? எல்லா பதில் மின்னஞ்சலிலும் ஒரே வரி 'ஐயா என்னை இந்த தொடர் மின்னஞ்சலிலுந்து விலக்கவும்'
Reply to All :-))

அலுவலகத்தில் நண்பர் ஒருவர் ஒரு தானியிங்கி மின்னஞ்சலில் குழுவில் இருக்கிறார்(சில சர்வர்கள் ஏதாவது பிரச்சனை வந்தால் அதை தானியங்கியாக இந்த குழுவுக்கு அனுப்பிவிடும்)
அதை மறந்து விட்ட அவர் தான் விடுமுறையில் செல்வதை out of officeல் போட்டு விட்டு போய்விட்டார்.
கண்ட நேரத்தில் சர்வர் குழுவுக்கு ஏதோ பிரச்சனை என்று மின்னஞ்சல் அனுப்ப பதிலுக்கு நான் அலுவகத்தில் இல்லை என்று இவருடைய மின்னஞ்சல் அனுப்ப (அதே குழுவுக்கு, அவர் பெயரும் இருக்கிறதல்லவா)
அதே மின்னஞ்சல் இவருக்கு திரும்பி வர மீண்டும் நான் அலுவலகத்தில் இல்லை பதிலுக்கு பதில்.. என்று...அலுவலகத்தில் இல்லை என்பதற்கான அஞ்சல்
ஆயிரக்கணக்கில் மாற்றி மாற்றி அனுப்பி மின்னஞ்சல் வழங்கியே படுத்துவிட்டது. இதில் பெரிய கொடுமை அந்த குழுவில் இவர் வேலைபார்க்கும் வாடிக்கையாள நிறுவனத்தின்
பெரிய தலைகள் எல்லாம் அந்த குழுவில் அடக்கம். இன்றும் பெரைச்சொன்னாலே அதிர்ந்து போய் ஒரு நமட்டுச்சிரிப்புடன் .'அவனா நீயி..' கேட்பார்கள்.

இதே மாதிரி தப்புத்தப்பா மின்னஞ்சலை அனுப்பி அசடு வழிவது இன்னொரு வகை.

From X
To Y
Please shi* it sooner.
* pக்கு பதில் t ஆகிவிட்டது.

From X
To All
"The test*s are still giving issues. We will be working tonight to correct it and will send an update once all the cases PASS"
* க்கு பதில் e

முதல் அஞ்சல்

From Emp1
To Manager
Emp2 and I are having a baby. so she will not report to duty for next x weeks
- Regards
Emp1

அந்த் புத்திசாலி Manager அப்படியே ஒரு ஒற்றி எடுத்து

From Manager
To Team
Emp2 and I are having a baby. So she will not report to duty for next x weeks. Please timeshare her responsibilities accordingly.
-Regards
Manager

அலுவலகமே அதிரந்ததென்னவோ உண்மை.

சரியான அஞ்சலை தப்பான அளுக்கு அனுப்புவது இன்னொரு வகை.
என் நண்பன் இந்தியாவில் பல இடங்களில் இருக்கும் ஒரு பெரிய மென்பொருள் அலுவலகத்தில் வேலை செய்கிறான். அவனுக்கு வந்தது.

From HR
To ABC
As requested by you your request for transfer from Pune to Chennai is accepted. Please report to XyZ. என்று ஒரு அஞ்சல்.
அடப்பாவிகளா பெங்களுர்ல இருக்கற என்னை எப்படா புனேக்கு மாத்தி அங்கேந்து சென்னைக்கு மாத்தினீங்கன்னு
ஒரே சண்டை போட்ட அப்புறம் தான் தெரிந்தது பேரை குழப்பிட்டாங்கன்னு.

நான் அடிச்ச காமடி:
From Sathia
To HR
CC Candidate

Hi,
I recommend the following rating for candidate in appraisal. ....blah..blah..
இந்த rating விஷயம் கடைசில தான் சொல்வாங்க. இந்த "Candidate' ஓட கடைசி பேர் பயங்கர நீளமான கேரளா ஊர் பேர். சரியா தெரிய outlookல அடிச்சுட்டு
மறதில விட்டுட்டேன். அவன் வந்து எனக்கு இப்படி ஒரு மட்டமான rating ஏன் குடுத்தன்னு ஒரே குடைசல்.

பிடித்த இணையப்பக்கத்தை சேமித்து வைப்பது எப்படி?

2007-10-22T16:04:00.000-04:00

மூன்றே படிகள் தான்.

1. இங்கு போய் ஒரு பயனர்கணக்கை உருவாக்குங்கள்.
2. அங்கு உங்கள் இணைய உலாவி( IE, Firefox ) எதுவோ அதுக்கு ஏற்றார்போல் பொத்தானை உங்கள் உலாவியில் இணைத்துக்கொள்ள நீட்சி( extension) கொடுப்பார்கள் அதை நிறுவிக்கொள்ளுங்கள்.உங்கள் உலாவியில் buttonகளும் menuவும் வந்துவிடும்

step -2 ஐ நீங்கள் உபயோகப்படுத்தும் அனைத்து கணினிகளிலிலும் செய்துவிடுங்கள்.
ஆச்சா, அடுத்து

3. எப்படி உபயோகிப்பது...

இப்போ ஒரு பிடித்த பக்கத்தை படிக்கிறீர்கள். படித்தவுடன், இந்த tag பொத்தானை
ஒரு அமுக்...

அடுத்து இப்படி ஒரு சின்ன சன்னல் வரும்.

அதில் நீங்கள் உங்களுக்கு ஏற்றமாதிரி tag போட்டு வைத்துக்கொள்ளலாம்.

இதில் நான் do not shareஐ check பண்ணி அடுத்தவர் நான் என்ன சேமித்திருக்கிறேன் என்று பார்க்காமல் இருக்க வழி பண்ணி இருக்கிறேன்.
உங்கள் நண்பர்களோடு பார்த்து பகிர default ஆக விட்டுவிட்டால் அடுத்தவர்களும் உங்களுடையதை பார்த்துக்கொள்ளலாம்.

என்ன பயன்
1. tagகள் மக்கள் எதை படிக்கிறார்கள் என்று trend analysis பண்ண உதவும்
2. உங்களுக்கேற்ற வகையில் வகைப்படுத்தி வைத்துகொள்ள.
3. நண்பர்களுடன் பகிர உங்களுக்குள்ளே குழுவாக பகிர்ந்து கொள்ள
4. rss ஓடையாக மாற்றி மற்றவர்களுடன் மொத்தமாகவோ tagவாரியாகவோ பகிர்ந்துகொள்ளலாம்
5. வீட்டில், வெளியில் எங்கும் உங்களுக்கான தொடுப்புகள் உங்களுடனே இருக்கும்.
6. del.icio.us போல ஏகப்பட்ட புத்தகக்குறிப்பான் பக்கங்கள் இருக்கின்றன. சில பதிவுகளில் இந்த மாதிரி
குட்டி குட்டி பொத்தான் பார்த்து இருப்பீர்கள். உங்களுடைய உலவி பொத்தானைக்கூட அமுக்கவேண்டாம் உங்களுடைய குறிப்பானின் பொத்தான் இருந்தால் அதை அழுத்தி இதே வசதிகளை பெறலாம்.

தொடர்புடைய விளக்கப்படம்

தொடர்புடைய ஒரு விவாதம்.

தமிழில் தளமுகவரி!! கனவு மெய்ப்படட்டும்!!

2007-10-16T18:08:00.000-04:00

கோபி(பெயர் குழப்பத்திற்கு மன்னிக்கவும், விவரம் பின்னூட்டத்தில்) இந்த பின்னூட்டத்தை ஆங்காங்கு சில இடங்களில் போட்டிருந்தார்.

Please take part in testing Tamil Domain

http://உதாரணம்.பரிட்சை/முதற்_பக்கம்/
http://உதாரணம்.பரிட்சை/தமிழ்

மிக்க மகழிச்சியாய் இருந்தது.சோதனை அனைத்தும் வேலை செய்கிறது.சரியான பக்கத்துக்கு எடுத்து செல்கிறது. ஆனால் ஆங்கிலத்தில் மாறித்தான் முகவரி வந்து கொண்டிருக்கிறது.
விக்கியில் கலந்துரையாடல் பக்கத்தில் என்முயற்சிகளை போட்டுவிட்டேன். இப்போதைக்கு புதிய பயனர் கணக்கு உருவாக்கித்தான் போடவேண்டுமென்கிறது. அவருக்கு தேவை பல்வேறு வகையான இணைய சார் மென்பொருளிலும் எவ்வாறு வேலை செய்கிறது என்று அறிவது என்று நினைக்கிறேன்.
புகுபதிகை செய்ய இயலாதவர்களுக்கு என்ன வழி என்று தெரிந்தவர்கள் சொல்லவும்.
உங்கள் சோதனைகளை இங்கு பின்னூட்டமிடுங்கள்.

கனவு மெய்ப்பட்டும்.

நம் கல்விமுறை உருப்படுமா?

2007-10-10T09:32:00.000-04:00

இலவசமாய் அரிசி கொடுக்கிறார்கள், தொலைக்காட்சி பெட்டி தவிர சாப்பாடும் போடுகிறார்கள். இதெல்லாம் விட்டு இலவசமாய் கல்வி கொடுத்தால் என்ன கேடு வந்துவிடும்.

அனைவருக்கும் கல்வியும் மருத்துவமும் இலவசமாய் கொடுக்கவேண்டும் என்று ஒரு அரசியல் வாதிக்காவது தோன்றுமா? கல்விக்கு Cess என்று ஒன்று போன வருடம் போட்டார்கள். என்ன ஆயிற்று அந்த பணம்? யாருக்காகவாது இலவசக்கல்வி கொடுப்பார்களா? கொடுத்தார்களா?.

அரசு மேல்நிலைப்பள்ளிகளில் போனால் Donation என்றும் வருடாந்திர கட்டணம் என்று இன்றும் கொடுக்கவேண்டி இருந்தது. இன்றும் இருக்கும். ஆங்கிலக்கல்வி படிக்கவேண்டுமென்றால் கட்டாயம் கொடுக்க வேண்டும். அங்கேயே பிரிவினை. காசுள்ளவன் ஆங்கிலம் படிப்பான் காசில்லாதவன் தமிழ் படிப்பான் என்று. அரசாங்கப்பள்ளிகளிலேயே இந்த நிலைமை.

எனக்கு தெரிந்து என் நண்பனின் அம்மா வீட்டு வேலை செய்து தான் படிக்கவைத்தாள். அவளிடம் ஆயிரம் ரூபாய் இல்லை. அதற்காக நாயாய் பேயாய் அலைந்து அந்த தாய் பணம் கட்டியது இன்றும் நினைவில் நிற்கிறது. கொடுமை என்னவெனில் மற்ற செலவுகளுக்கு அந்த அம்மா தலைமை ஆசிரியர் வீட்டிலேயே வேலை செய்து தான் 2 வருடம் மேல்நிலைக்கல்வி படிக்கமுடிந்தது என் நண்பனால்.

வியாபாரக் கல்வி, இட ஒதுக்கீட்டுக் கல்வி( பணம், சமூகம்) என்று என்ன என்ன வழி உண்டோ அவ்வளவிலும் பிரிந்து தான் கிடக்கிறோம். எல்லோரும் மறந்துவிடும் மற்றொரு பிரிவினை வட்டார அளவில் கல்வி. வடநாட்டு மக்களை கேளுங்கள், பாரதியாரை தவிர உருப்படியாய் ஒரு தமிழ்நாட்டு சுதந்திர போராட்டவீரர் பேர் தெரியாது.

அடுத்தது இந்த கல்வித்திட்டப்பிரிவினை. CBSE படித்தவனுக்கு IIT entrance சுலபம். மாநிலக்கல்வி படித்தவனுக்கு பொறியியல், மருத்துவம் சுலபம் என்று குழப்படியான கல்வி முறை. இதில் ஆங்கிலோ இந்தியன் என்று கல்வி முறை வேறு. தமிழ், ஊறுகாய் மாதிரி அந்த கல்வி முறையில் இருக்கிறது.

சுதந்திரம் வாங்கி 60 வருடம் ஆகிறது இன்னும் என்ன ஆங்கிலோ இந்தியன் கல்வி முறை. இதில் படித்த ஒரு நண்பனுக்கு தமிழ் படிக்க வராது. நம்பினால் நம்புங்கள், ஆங்கிலோ இந்தியன் கல்வி படித்த அவனால் ஒரு கட்டுரையோ கவிதையோ தமிழில் படிக்க இயலாது. நான் மிகவும் வருந்தி சொன்னதன் பேரில் பல முறை புத்தகத்தை திணித்து படி படி என்று படுத்தியதின் பேரில் என்னை திருப்திபடுத்த பொன்னியின் செல்வன் படித்தான் அவன், ஆங்கிலத்தில். ஆங்கிலத்தில் பொன்னியின் செல்வன் படித்த ஒரே(எனக்குதெரிந்து) தமிழன் அவனாகத்தான் இருக்கும். ஷேக்ஸ்பியரிலும் ஷெல்லியிலும் வித்தகன் அவன். என்ன மாதிரியான் ஒரு கல்வி முறை இது?

அதற்கு நேர் எதிராக கிராமத்தில் எனக்கு மற்றொரு நண்பன். ஆங்கிலம் சுட்டு போட்டாலும் வராது. கடைசியில் ஆங்கில தட்டச்சும், சுருக்கெழுத்தும் பயின்று காவல்துறையில் ரிப்போட்டராக போக வேலை கிடைத்த போது ஒரு முழு லிப்கோ அகரமுதிலியை நாம் பாட புத்தகம் படிப்பது மாதிரி படித்தான். ஏதாவது பக்கத்தை பிரித்து ஏதாவது சொல்லைக்கேள் அர்த்தம் சொல்கிறேன் என்று படுத்தி இருக்கிறான்.

ஒரு ஒழுங்குபட்ட கல்வி முறை இல்லை இதனால் பாதிக்கப்படுவது எல்லோருமே தான். ஏழைகளுக்கும், கிரமத்தானுக்கும் தமிழைவிட்டால் நாதி இல்லை என்று ஆகிவிட்டது. எனக்கு தெரிந்து பல பேர் நல்ல ஆங்கில அறிவில்லாத்தால் நேர்முகத்தேர்வில் தோற்றவர்கள் இருக்கிறார்கள். என்ன ஒரு குழப்படியான செயல்திட்டம் இது.

வருடம் போய் வருடம் வந்தால் ஒவ்வொரு மாநிலத்திலும், பொறியியல் கல்லூரி நுழைவுத்தேர்வு கோர்ட் கோர்ட்டாக போய்கொண்டிருக்கிறது ஒரு மராட்டிய மாநில கல்வி முறையில் 60 மதிப்பெண் வாங்கியவனையும் தமிழ்நாட்டில் 60 மதிப்பெண் வாங்கிவனையும் ஒரே நிகரில் வைக்கமுடியுமா? முதலில் எந்த சிஸ்டத்தில் படித்தவன் என்று கேள்வி அல்லவா வருகிறது!!!

இந்தியா முழுக்க ஒரே பாடத்திட்டம், ஒரே கல்லூரி நுழைவு முறை என்றல்லவா இருக்கவேண்டும். அப்படி இருந்தால் என்ன மாறிவிடும். அதில் சாதகம் என்ன, பாதகம் என்ன? வெறும் கேள்விகளாய் இருக்கிறதே அன்றி பதில் தான் இல்லை.

புகைப்பட போட்டிக்கு -4

2007-10-07T20:27:00.001-04:00

வித்தியாசமான தலைப்பு தான் இந்த தடவை. கொஞ்சம் படத்தை எடுத்துட்டு போட்டு பாத்தா மகா மட்டமா இருந்தது. என்ன பிரச்சனைன்னு முதல்ல புரியலை. அப்புறம் தான் உறைக்க ஆரம்பிச்சுது. இதுவரைக்கும் இயற்கையாவே அழகா இருக்கற சங்கதிகளைத்தான் படம் பிடிச்சு பழக்கப்பட்டு இருக்கேன். அதாவது ஏற்கனவே அழகா கண்ணுக்கும் மனசுக்கும் பிடிச்சிருந்தா அதை சுட்டே பழக்கப்பட்டு இருக்கோம். உணவை படம்பிடிக்கணும்னா முதல்ல அத அழகாக்கிட்டு அப்புறம் படம் எடுக்கவேண்டி இருக்கு. அங்கன தான தொழில்முறை படப்பிடிப்பாளர்கள் ஏன் அப்படி மெனக்கெட வேண்டி இருக்குன்னு புரிய ஆரம்பித்தது. ஏதோ நம்மாலானது கொஞ்சம் ஒப்பேத்தி இருக்கேன். பாத்துட்டு சொல்லுங்க.

காபிய ஆவி பறக்க படம் புடிக்கமுடியாதுன்னு ஆரு சொன்னது.

நம்மூரு பாதுஷாவை இங்க 'டோனட்டு'ன்னு ஏமாத்தி வித்துக்கிட்டு இருக்காங்க. எனக்கு கூட ரொம்ப ஆசை. நம்மூரு ஆளும் யாராவது Dunkin Donuts மாதிரி "மொமொறு வடை"ன்னு ஒரு restaurant chain ஆரம்பிச்சு உலகம் பூரா புகழையடணும்னு.(யாராவது VC இருந்தா சொல்லுங்க, நான் ரெடி ;-)

இது சும்மா

இது நம்ம working table :-)

படம் 1 & 2 போட்டிக்கு. படம் 4ல வலது கீழே இருக்கறத பாத்துக்குங்க, அது நடுவர்களுக்கு. பாத்துட்டு தீர்ப்பு சொல்லுங்க ;-)

Blogger, Wordpress, Blog, Webhosting, domain கேள்விகள்!!!!

2007-09-25T15:48:00.000-04:00

முன்னுரை அல்லது உரிமைத் துறப்பு:

*வித்தகர்களே!! எனக்கு HTML ஐத்தாண்டி இணையமொழி அறிவு கிடையாது. நான் கொஞ்சம் பழைய ஆள் (இணைய அறிவால்) CGI/PERL (இதல்லாம் இன்னும் ஆராவது பாவிக்கிறார்களா??) மற்றும் Apache அறிவும், கொஞ்சம் போல் Drupal அறிவும் மட்டுமே உண்டு. முட்டாள்தனமான கேள்விகளுக்கு பொறுமையுடன் பதிலளிக்க வேண்டுகிறேன்.

* இந்த கேள்வியெல்லாம் யார் யாரிடம் கேட்டால், எங்கெங்கு கேட்டால் பதில் கிடைக்கும் என்று தெரியும். இருந்தாலும் நீளம் மற்றும் மின்னஞ்சல் தொல்லை வேண்டாம் என்று இங்கு போடுகிறேன்.

*கேள்விகளையெல்லாம் படித்துவிட்டு "முதலில் நீ எழுதுடா அப்புறம் பாக்கலாம்.. " என்று திட்டவெல்லாம் கூடாது.

1. Bloggerல் பாட்டு/கவிதையெல்லாம் தட்டச்சினா, எல்லாமே இடது பக்கம் போய்விடுவதை சரி செய்வது எப்படி. (left justify ஆகிவிடுவதை தடுப்பது எப்படி)

      பதில்1 -  blockquote /blockquote மூலம் கதை   கவிதைகளை
இடப்புறமிருந்து விருப்பப்பட்ட இடத்துக்கு வலப்புறமாக நீக்கலாம்.இன்னும்
நீக்கணும் என்றால் இருமுறை
<-blockquote-><-blockquote-> <-/blockquote-> <-/blockquote->
கொடுக்கலாம்

பதில் 2-

pre tag உபயோகப்படுத்தலாம்.
உ.ம்   இங்கே இருக்கும் வரிகளாம்
              பதிவர் சொல்லி தந்ததாம்
       அங்கே இங்கே தள்ளாமல்
              அழகாய் இங்கே வந்ததாம்.
அது எழுதப்பட்ட விதம்

pre      இங்கே இருக்கும் வரிகளாம்
                   பதிவர் சொல்லி தந்ததாம்
        அங்கே இங்கே தள்ளாமல்
                   அழகாய் இங்கே வந்ததாம்.
/pre

2.வார்ப்புருவுக்கும் ஓடைக்கும் சம்பந்தம் இருக்கா?
பதில்-ஓடைக்கும் வார்ப்புருவுக்கும் தொடர்பு இல்லை. feed is template / theme independent

3. வார்ப்புருவை மாற்றினால் தமிழ்மணத்தேன்கூட்டு நிரலை சேர்த்தபிறகு திரட்டிகளில் பிரச்சனை வருமா? வந்தால் யாரைகேட்டால் உதவி கிடைக்கும்? (சிலபேர் மாதிரி மண்டை காஞ்சு சுத்தாமல் இருக்க முன்யோசனைக்கேள்வி)

பதில்- வெறுமனே blogger, wordpress தரும் தெரிவுகளைக் கொண்டு theme, template மாற்றினால் பிரச்சினை இல்லை. ஏதேனும் கூடுதல் நிரலை blogger வார்ப்புருவில் சேர்ப்பதானால், தமிழ்மண நிரல் இருக்கும் இடத்தில் கை வைக்காவிட்டால் பிரச்சினை இருக்காது. எப்ப வார்ப்புருவைத் திருத்தினாலும் அதற்கு முன் அதன் ஒரு படியைச் சேமித்து வைப்பது நலம். ஏதும் பிரச்சினை என்றால் மீட்டு விடலாம். இதற்கு மேலும் ஏதும் சொதப்பினால் பதிவர் உதவிப் பக்கத்தில் கேளுங்கள். இல்லை, complaints@thamizmanam.comக்கு எழுதுங்கள்

4 நான் பிறருக்கு போடும் பின்னூட்டங்களை மட்டும் திறட்டுவது எப்படி?
நான் புகுபதிகை செய்தே பின்னூட்டமிடுவது வழக்கம்(இதுதான் பின்னூட்ட நேர்மை ;-)) நான் போட்ட பின்னூட்டத்திற்கு பதில் வந்ததா என்று பார்ப்பதற்கோ அல்லது எங்கெல்லாம் சென்றேன் என்பதற்காக அல்ல. என்னுடைய பின்னூட்டங்களை மட்டும் தொகுக்க வழி என்ன?

பதில்1; http://cocomment.com/

பதில்2; உங்கள் சில மறுமொழிகளைக் காணலாம். பார்க்கவும்wordpress பதிவுகளில் நீங்கள் இட்ட மறுமொழிகளை உங்கள் wordpress dashboardல் இருந்தே பார்க்கலாம்.

5. வார்ப்புருக்களில் விளையாட என்ன என்ன மொழிகள் தெரிந்திருக்க வேண்டும்? XML படிக்க சுலப வழி என்ன? ஏதாவது இணைய மென்பொருளோ,புத்தகமோ இருக்கிறதா? அமேசான் வலைத்தளம் நடத்துமளவுக்கு படிக்க நேரமில்லை. கொஞ்சம் மக்குகளுக்கான புத்தகம் இருந்தால் அனுப்பி வைக்கவும்.

பதில்-தனித்தனியாய் மொழி கற்க வேண்டும் என்று நினைக்கவில்லை. நமக்கு என்ன வசதி வேண்டும் என்ற தெளிவும் அதை இணையத்தில் தேடி சரியான இடத்தில் வெட்டி ஒட்டும் திறனும் :) கொஞ்சம் htmlம் போதும் என்றே நினைக்கிறேன்.

6.தனியாக கடைபோட எவ்வளவு செலவாகும்? எவ்வளவு கொள்ளளவு தேவைப்படும்? படங்கள், பாட்டுக்கள், விழியங்கள் தொகுத்தால் எவ்வளவு இடம் பிடிக்கும்? வெறும் தொடுப்பு (embedded objects) மட்டுமே என்றாலும் நம் வழ்ங்கிக்குதானே தரவிறக்கி படமோ பாட்டோ காமிக்கும். அப்போ பிரச்சனை வராதா?

பதில்- பார்க்க - தனித்தளத்தில் வலைப்பதிவு தொடங்குவது எப்படி?.

நீங்கள் உங்கள் தளத்தில் கொண்டுள்ள உரை அளவு (text size) மட்டும் உங்கள் கணக்கில் வரும்.

7.தனிப்பதிவர்களே(அதாவது தனித்தளத்தில் பதிபவர்களே!!). உங்கள் வழங்கி யார்? எவ்வளவு கொள்ளளவு வைத்திருக்கிறீர்கள்?

பதில்1; ஆண்டுக்கு 100 MB கொள்ளளவு. மாதம் 1 GB தரவுப் பரிமாற்றம்

8. Wordpressல் நிரல்களை மாற்றுவது எப்படி? நிரலே காணக்கிடைக்கவில்லை. Presentation->View my Stylesheetக்கு போனால் என்னுடைய developer studio திறக்குது. ஏதோ 'c'ற்றறிவு இருக்கிறது என்ன செய்ய வேண்டும் என்று தெரியும் CSS ஐ வைத்துக்கொண்டு 'ஙே' என்று விழிக்கத்தான் தெரிகிறது.

பதில்1;wordpress.comல் வார்ப்புருவைத் தொகுக்க வேண்டும் என்றால் காசு கட்ட வேண்டும்.

9. ஓடையை உருவாக்கும் நிரலை எங்கு காண்பது? அல்லது வழங்கிமென்பொருளோடு சேர்ந்தேவருமா? இதற்கும் அடுத்த கேள்விக்கும் சம்பந்தம் இருக்கு.

பதில்-தனித்தளத்தில் இயங்கும் wordpress கூட்டுப் பதிவு என்றால் ஒவ்வொரு ஆசிரியருக்கும் தனி ஓடை உண்டு. wordpress.com குறித்து தெளிவில்லை

10. இப்போது Wordpressல் ஒரு கடையை திறந்தாச்சு. பிளாக்கரில் 2, 3 கடைகள். சொந்தமாக ஒரு கடை.தனித்தனியா திரட்டிகளுக்கு தெரிவித்து அதற்கு அவர்கள் வேறு ஒரு பயனர் கணக்கு உருவாக்கி அவர்கள் அனுமதி தந்து என்று நீளுவதை விட நான் ஒரே ஒரு ஓடை வைத்துக்கொண்டு அதில் என்னுடைய பல பதிவுகளை (இடுகைகள் அல்ல) ஒரே இடத்தில் தொகுத்து வழங்க முடியுமா? அதாவது என்னுடைய கேள்வி பிளாக்கருக்கு ஒரு ஒடை, wordpressக்கு ஒரு ஓடை என்று இல்லாமல் எனக்கென்று தனித்தளத்தில ஒரு ஓடை இருக்குமல்லவா அதிலேயே என்னுடைய பல பதிவுகளில் எழுதுவதும் ஒரே இடத்தில் வந்து விழவேண்டும் அது கூட்டு பதிவாக இருந்தால் கூட. இந்த தனிப்பதிவு ஓடையை நான் திரட்டிகளுக்கு கொடுத்தவிட்டால் முடிந்தது கதை. இது சாத்தியமா?
பதில் 1; யாஹூ பைப்ஸ், ரீடர் -> feedburner-> mail to blog என்று ஒரு வழிமுறை இருக்கிறது(விவரம் சிந்தாந்தி, ரவிசங்கர் பின்னூட்டங்களில்). பயன்படுத்திவிட்டு இங்கோ அல்லது தனிப்பதிவோ வரும்.

11. ஒரு கூட்டு பதிவில் நான் எழுதுவதை மட்டும் தனியாகப் பிரித்து என் தனிப்பதிவில் தானாய் விழ வைக்க முடியுமா?

பதில்1; பதில் 10ஐ பார்க்கவும். முடியும்.

12. wordpressல் தமிழ்மண நிரலை சேர்ப்பது எப்படி? சொந்தத்தளம் இல்லைங்கோ. msathia.wordpress.comக்கு தமிழ்மண நிரலை சேர்க்கவழி என்ன?

பதில்- wordpress.com தள இடுகைகளைத் தமிழ்மணத்தில் புதுப்பிக்க, தமிழ்மண முகப்பில் உள்ள இடுகைகளைப் புதுப்பிக்க என்ற வசதியைப் பயன்படுத்தவும்

புகைப்பட போட்டிக்கு -3

2007-09-09T21:08:00.000-04:00

இருப்பவர்களுக்கு வாழ்க்கை வண்ணமயமானது

தாய் தந்தை கூட இல்லாத இந்த அனாதைக்குழந்தைகளுக்கு வாழ்வே இருட்டுதான். எந்த நிறமாய் இருந்தால் என்ன எல்லா நிறங்களிலும் அனாதைகள் உருவாக்கப்படுகிறார்கள்

பட்டறையின் நோக்கத்தை கேள்வி கேட்கும் 'தமிழ் தெரிந்தவனுக்கு'...

2007-08-06T23:09:00.000-04:00

பட்டறை பற்றிய பல பதிவுகளிலும் தவறாமல் செந்தில்குமார் என்று ஒருவர் பின்னூட்டமிட்டுருந்தார். உறுத்தலாக இருந்தாலும் மிகவும் கண்ணியமாகவும். ஒரு வித கோபத்துடனும் எழுப்பி இருந்த அவர் கேள்விகளுக்காகவே இந்த பதிவு. இந்த பட்டறையில் எள்ளளவு கூட பங்கெடுக்காத எனக்கு இவர் எழுப்பி இருந்த கேள்விகளுக்கு பட்டறையில் பங்கெடுக்காவிட்டாலும்
வெறும் தமிழ்ப்பதிவுலகம் குறித்த பொதுவான கேள்விகளாகவே இருப்பதால்
பதிலளிக்க முயல்கிறேன்.

தமிழ் உணர்வும், தமிழ் அறிவும் அதிகம் உள்ளவன் என்ற முறையில், என்னுள் எழுந்த கேள்வி ..

கொஞ்சம் கர்வமாகத்தோன்றினாலும் அய்யா உங்கள் அதிகமான தமிழறிவு இங்கு எல்லோருக்கும் பயன்படுவது எவ்வாறு? புத்தகம் கவிதை கட்டுரை, இலக்கியம் எழுதப்போகிறீர்களா?
இல்லை ஏதாவது சாதித்திருக்கிறீர்களா? இதல்லாம் எப்படி அடுத்தவருக்கு தெரியும்? இந்த கேள்விக்கெல்லாம் விடை தான் பதிவுகள். பதிவுகள் என்றில்லை தனியாக குறிப்பிட்ட துறை சார்புடைய
தளங்களாக நடத்துவதால் உங்கள் அறிவும் ஆக்கமும் பயன் எல்லோருக்கும் சென்றடையும்.

எதற்காக இந்த தமிழ் பட்டறை? தமிழை வளர்ப்பது இதன் நோக்கமா? அல்லது தமிழில் அதிகமான blogs உருவாகுவது இதன் நோக்கமா?அல்லது தமிழ் தெரிந்தவர்கள் மட்டும் கூடி கருத்து பரிமாறி கொள்வது இதன் நோக்கமா?
தமிழை தனியாக எப்படி பட்டறை மட்டும் நடத்தி வளர்க்க முடியும் என்று நினைக்கிறீர்ள்? அவ்வாறு யாராவது கூறினார்களா? முதலில் கணினியில் தமிழில் தட்டச்சு செய்யவியலும்
என்பது எத்தனை பேருக்கு தெரியும்?. உங்களுக்கு தெரிந்திருக்கிறதே. நீங்கள் சில பேருக்கு சொல்லித்தந்திருப்பீர்கள் தானே. அதே போல் தாங்கள் அறிந்த விடயங்களை இன்னும் நாலு
பேருக்கு சொல்லித்தரும் எண்ணமே இந்த பட்டறையின் தலையாய நோக்கமாக நான் அறிகிறேன்.

தமிழில் அதிகம் blogs வருவதன் மூலம், தமிழ் வளர்ந்து விட போகிறதா?தமிழில் பதிவுகள் அதிகம் வருவதன் மூலம் தமிழ் கட்டாயம் வளரும். எனக்கு தெரிந்து என் தமிழறிவு இதன் மூலம் இன்னும் செழுமை அடைந்திருக்கிறது. என்னைடைய பேச்சுத்தமிழ்
இன்னும் தெளிவாக கல்ப்பில்லமல் பேச வருகிறது. இப்பொழுது நான் எனக்கு தெரிந்தவர்களிடம் பேசும் போதும் எழுதும் போதும் அவர்களுக்கும் நற்றமிழ் வார்த்தைகள் தெரியுமில்லையா.
அவர்களும் பின்பற்றுவார்கள் இல்லையா. நாம் எத்தனை சினமாப்பாடல்களையும் ஊடகங்களிலும் தமிழை கொச்சப்படுத்துவதை பார்க்கிறோம. வெறும் குறை மட்டுமே கூறிக்கொண்டு
திரிவதை விட அடுத்த தலைமுறை ஊடகமான இணையத்தில் நாம் புகுத்தும்போது மற்ற ஊடகங்களிலும் மாற்றம் வருமா இல்லையா? சிறு துளி பெருவெள்ளமில்லையா?

ஒருவேளை சோற்றுக்கே வழியில்லாமல் வாழ்ந்து கொண்டிருக்கும் மக்களுக்கு எதாவது செய்யலாமே? அதற்கு உங்கள் பட்டறை எந்த வகையிலாவது உதவுமா?

சோற்றுக்கு வழியில்லாமல் இருப்பது எதனால்? கல்வி அறிவின்மையால், விழிப்புணர்வின்மையால். ஊடக வெளிச்சம் எல்லாருக்கும் கிடைக்கிறதா. நாட்டில் இருப்பது வெறும் அறிவுப்பஞ்சம் மட்டுமல்ல விழிப்புணர்வுக்கும் பஞ்சம்தான். படித்தவனுக்கு படிக்காதவனின் கஷ்டம் தெரிவதில்லை. அதற்கும் விழிப்புணர்வு தேவை.
படிக்காதவனுக்கு அவனுக்கு கிடைக்கும் உரிமைகூட தெரிவதில்லை. தலைமுறை இடைவெளி போல படித்தவனுக்கும் படிக்காதவனுக்குமான இடைவெளி தொழில்நுட்பத்தின் மூலம் தான்
குறைய முடியும். இதுவும் ஒரு தலைசிறந்த ஊடகம். அதை உபயோகிக்க ஏன் தவற வேண்டும்.சரி. நீங்கள் இந்த பிரச்னைக்காக என்ன செய்திருக்கிறீர்கள். கட்டாயம் செய்திருப்பீர்கள். இதைப்போலவே உங்களுக்கு இன்னும் பல வழிகள் தெரிந்திருக்கும். உங்களுக்கு பண உதவி முதல்
மற்ற உதவிகள்... எனக்கு எப்படி தெரியும். இந்த பட்டறையின் நோக்கம் பசிப்பிணி போக்குவது இல்லை. மக்களுக்கு தமிழில் இணையத்தில் என்ன செய்யலாம் என்ற விழிப்புணர்வை
ஏற்படுத்துவதே. பதிவுகளின் மூலம் விழிப்புணர்வு ஏற்படும் என்று பலர் நம்புகிறார்கள். அதற்காக உழைக்கிறார்கள். தமிழில் கற்க தமிழ்ப்படுத்தவேண்டிய துறை சார்ந்த விஷயங்கள் எவ்வளவோ இருக்கிறது.
அதை இலவசமாக உருவாக்கிறார்கள்.

தமிழ் நாட்டில் பிறந்து, தமிழ் கூட படிக்க முடியாமல் தவிக்கும் ஏழை குழந்தைகளின் படிப்பிற்கு உதவுமா?
இன்று உதவவில்லை என்றாலும். நாளை கட்டாயம் உதவும். தமிழ்ப்படுத்தப்பட்ட லினக்ஸ் கிடைக்கிறது இதனால் ஏழைக்குழந்தைகளுக்கு கணினி கற்பது சுலபமாக்க முடியுமா முடியாதா. ஏன் நீங்களே கூட
ஏழைக்குழ்ந்தைகளின் படிப்பிற்கு இணையத்தை எவ்வாறு உபயோகப்படுத்தலாம் என்றே ஒரு பட்டறை நடத்தலாம் அதற்கும் இதைப்போன்றே உதவ முன்வருவார்கள்

எனக்கு தெரிந்து ஒரு குழு, சென்னையில் உள்ள சேரி வாழ் குழந்தைகளுக்கு, எந்த விளம்பரமும் இன்றி மாலை வேளைகளில், படிப்பு சொல்லித் தருகிறார்கள்.?
எனக்கு இணையத்தின் மூலமாகத்தான் இந்த செய்தியே தெரிகிறது. இவர்களுக்கு என்ன மாதிரி இன்னும் உதவ முடியும் என்று நினைக்கிறீர்கள். தன்னார்வ மக்கள் இன்னும்
எங்கெல்லாம் இருக்கிறார்கள் என்று ஒரு கூட்டைமைப்பு உருவாக்கலாம். அவர்களுக்கான தொடர்புளை இந்த மாதிரி தளங்கள் மூலம் ஒருங்கிணைக்கலாம்.
நீங்கள் பங்கெடுத்த பட்டறை, நீங்க செலவு செய்து உருவாக்கிய பட்டறை என்று மட்டும் உங்கள் போக்கில் இருந்திருந்தால், எனது கருத்தை நான் இவ்வாறு முன் வைத்திருக்க மாட்டேன்.ஆனால் பட்டறை நடத்தியதை பெரிய சாதனையாகவும், தமிழ் வளர்ச்சிக்காகான அடிக்கலை நாட்டியதை போலவும்,தமிழில் blog வைத்திருப்பவர்கள் புத்திசாலிகள் மற்றும் உயர்ந்தவர்களை
போலவும்,அவ்வாறு இல்லாதவர்கள் தரம் தாழ்ந்தவர்கள் அல்லது சாதரண மனிதர்களை போன்று சித்தரிக்கும் சில பதிவுகளை காண நேர்ந்ததால் தோன்றிய கருத்துக்கள் தான் இவை.

'ஆட்டோவில் நசுங்கிய தயிர்சாதங்களை வழித்து, டப்பாக்களை க்ளீன் செய்துகொண்டிருந்தார் பாலபாரதி' 'தான் சாப்பிட்ட இடத்தை சுத்தமாக நீரூற்றி துடைத்துக்கொண்டிருந்தார் மா சிவக்குமார்'. எளிமையின் உருவமாக இருக்கும், இந்த இரண்டு வரிகளும் என்னுள்ளத்தில் என்றென்றும் இருக்கும். இவர்களெல்லாம் யாரென்று தெரியுமா உங்களுக்கு. கொஞ்சம் இந்த
பட்டறையை வழிநடத்திய பலரின் பின்புலத்தை படித்துவிட்டு வாருங்கள் அய்யா. தங்கள் வாழ்வாதார பணிகளைத்தாண்டி வெறும் தமிழார்வத்தால் இணைந்தவர்களின் இறுமாப்பு கொஞ்சம் அதிகம் எங்காவது வெளிப்பட்டிருந்தால் அவர்களுக்காக நான் தங்களிடம் மன்னிப்பு கேட்கிறேன். நீங்கள் உங்கள் கருத்துக்களை அப்படிப்பார்த்த தளத்தில் நேரடியாக தெரிவித்திருந்தாலே திருத்துக்கொள்வார்களே.

மேலும் நான் கடந்து வந்த சில பதிவுகள் தங்களுடைய புத்திசாலித்தனத்தை காண்பிப்பதற்காகவும்,ஒரு தரப்பினரையோ அல்லது ஒரு குறிப்பிட்ட இனத்தை சார்ந்தவர்களை தாக்குவதற்காகவோ உருவாக்கியுள்ளனரே தவிரதமிழ் வளர்ச்சி என்பதர்கான எந்த வித அறிகுறியும் தெரியவில்லை.
புத்திசாலித்தனமிருப்பது காண்பிப்பதற்கு தானே. ஒரு குறிப்பிட்ட இனத்தை தாக்குபவர்கள் எங்கும் இருப்பதால் வளர்ச்சி நிற்கிறது என்பது மொட்டைத்தலைக்கும் முழங்காலுக்கும்
முடிச்சு போடுவதாக இருக்கிறது. தமிழ் வளர்ச்சிக்கு உங்கள் அளவுகோல் என்ன. தமிழில் உங்களுக்கு என்ன கிடைக்கவில்லை இணையத்தில். கூறுங்கள் செய்ய முயல்லாம். ஒரு இனத்தை தாக்குபவர்கள் இருந்தால் அதற்கு மேலும் சிலரையும் அழைத்து வந்து வாதம் புரியுங்கள் முடிந்தால். இல்லை என்றால் அவ்வாறு தாக்குபவர்களை சட்டை செய்யாமல் தமிழை வளர்க்க முயலலாம். தமிழை யாரும்
வளர்க்க வேண்டாம் அது தன்னாலேயே வளரும் அவரவர் அவர் துறை பற்றி தமிழில் கொண்டுவந்தாலே போதும். உங்கள் துறையை பற்றி எழுத முயலுங்கள். அதுவே போதும்.

உண்மையில் இந்த பட்டறையின் நோக்கமென்ன?
ஆரம்ப சில பத்திகளிலேயே இதைப்பற்றி விளக்கிவிட்டேன் என நினைக்கிறேன்.

இது என் கருத்து மட்டுமே... பதிலை பற்றிய எதிர்பார்ப்புடன்............................... உரிமைத்துறப்பு (டிஸ்கி) போட ஆரம்பித்திலிருந்தே தெரிகிறது வலைப்பதிவு வாசிதான் சும்மா வம்பிழுக்கிறோர்களோ என்று தோன்றுகிறது அல்லது வலைப்பதிவதற்கான முதல் தகுதி வந்துவிட்டது ;-)

..............தமிழ் தெரிந்தவன்........................
இந்த மாதிரி ஆளைத்தான் தேடிக்கொண்டிருந்தேன். microprocessorக்கு தமிழில் என்ன என்று நிரம்ப நாட்களாக தேடிக்கொண்டிருக்கிறேன். தயவு செய்து சொல்லவும்.

கறுப்பு வெள்ளைப்படங்களும் உணர்ச்சிகளும்

2007-08-03T15:23:00.000-04:00

செல்லா இந்த பதிவை போட்டு ஒரு குறு வாக்குப்பதிவு நடத்திக்கொண்டு இருக்கிறார். என்னுடைய முந்தைய பதிவில் மாற்றம் எதுவும் செய்யாமல் அப்படியே படங்களை இணைத்தேன். அதாவது படங்களே கறுப்பு வெள்ளையில் எடுத்தது. இல்லையென்றால் ஒப்புமைக்கு உதவும்.

Post Processing செய்ததில்லை. அதென்ன சரியா படமெடுக்காமல் கடைசில அத மாத்திக்கறது என்று ஒரு கேள்வி எனக்கு. அது அழுகுணி ஆட்டம் என்று ஒரு எண்ணம். இதே படச்சுருளில் எடுத்தால் இந்த மாதிரி சரி செய்ய முடியுமா என்று ஒரு துணைக்கோபம் வேறு. இதனாலேயே எந்த மென்பொருளும் இல்லாமல் இதுவரை ஓட்டிக்கொண்டிருந்தேன்.

சமீபத்தில் அதுவும் எல்லோரும் photoshopல் கலக்கும்போது (எங்க போனாலும் காசு கேக்குது) நான் மட்டும் கட்டற்ற மென்பொருள் அபிமானத்தில் GIMPஐ வைத்தும் picasaவை வைத்தும் கொஞ்சம் விளையாடலாம் என்று தரவிறக்கி வைத்திருந்தேன். மேல சொன்ன பதிவை பார்த்ததும் கொஞ்சம் விளையாடியதின் விளைவு இங்கே.

படத்தை உபயோகிக்க அனுமதி தந்ததற்கு வி. ஜெ. சந்திரனுக்கு நன்றி. அவரின் ஒரிஜினல் இங்கே.

ஒரு சின்ன கத்தரிப்பு.

அப்புறம் ஒரு கறுப்புவெள்ளையாக்கல்

இதில் சொல்லுங்கள் உங்கள் ஓட்டு எதுக்கு?

கறுப்பு வெள்ளையில் உங்கள் கவனம் முகத்தில் இருக்கும் வண்ணத்தில் உங்கள் கவனம் சிதறும். இதே காரணத்தால் தான் பழைய திரைப்படங்களை பார்த்தால் எல்லோருமே நல்ல நடிகர்களாக\அழகாக இருப்பார்கள் அல்லது தோன்றுவார்கள். எல்லா கவனமும் கதைமாந்தரின் முகத்தில் இருக்கும். ஒரு சின்ன மேக்கப் கூட போதுமாயிருந்துருக்கும். (உ.ம். விகேராமசாமி,பாலையா) இன்னும் சொல்லப்போனால் நம்ம வண்ணமயமான ராமராஜன் கூட கறுப்பு வெள்ளையில நடிச்சிருந்தா பெரியா ஆள் ஆயிருப்பாருன்னு நினைச்சுப்பேன்.

புகைப்படப் போட்டிக்கு - 2

2007-08-01T17:14:00.000-04:00

அதென்னவோ கறுப்புவெள்ளை மாதிரி உணர்ச்சிகளை மட்டும் காண்பிக்க வண்ணப்படங்கள் வரமாட்டேன் என்கிறது. என்னுடைய இரண்டு.

கள்ளமில்லாச்சிரிப்பும்

தூக்கம், அழுகை மற்றும் கேள்வியும்.

புகைப்படப் போட்டிக்கு

2007-07-17T14:53:00.001-04:00

புகைப்படப் போட்டின்னு வந்தப்புறம் கலந்துக்கலைன்னா எப்படி? சரி வீட்டுக்கு போன அப்புறம் மடிக்கணினிலேந்து தோண்டி கொஞ்சம் சாவகாசமா இதுவரை இங்க போடத படமா, நல்லதா போடலாம்னு இருந்தேன்.

பார்த்தா அதுக்குள்ள 16 பேர் பின்னூட்டம் போட்டுட்டாங்க. இன்னும் விட்டா 30 என்ன முன்னூறே போட்டுடுவாங்க.

அதனால் இரண்டை இங்கு மீள்பிரசுரம் செய்கிறேன்.

என் தொகுப்பிலிருந்து!!

2007-07-16T14:52:00.000-04:00

ஒரு நல்ல விவாதம்

சாதிச்ச எட்டு மற்றும் கலக்கல் எட்டு

உச்சுகொட்டிவிட்டு வேலை பார்க்க போய்விடும் கையாலாகாதனத்தை சுட்டும் இது

நான் எப்படி இந்த பாட்டை இதுவரை கேட்டதேயில்லை?

இப்படியெல்லாம் நாம் தான் சண்டைபோடுவோம் என இதுவரை நினைத்திருந்தேன்.

ஊருக்கு போனபின்னால் வாங்கவேண்டிய மிக மிக முக்கியமான சாதனம்

அணுவைப்பற்றி

பதிவுலக சட்டங்கள்

ரைம்ஸ் பற்றி என் எண்ணத்தை பிரதிபலிக்கும் தரமான ஒரு கட்டுரை.

பசித்துப் புசிப்போம்

மனுசன் மனசு

எந்த வேலை செஞ்சாலும் போரடிக்குதா.. இதுல போய் பதில் சொல்லிப்பாருங்க.

மனதை வருடும் இது.

பலவீனமானவர்கள், சிறுவர்கள் இந்த சுட்டியை தொடாதீர்கள்.

மொழி,இனம், மதம், நிறம் மற்ற பிரிவினைகள் என்னெல்லாம் உண்டோ அதெல்லாம் சேர்த்துக்ககங்க. எல்லாம் இருந்தாலும் கடைசியில இவ்வளவு தாண்டா நீ!!!. நன்றி

சோதனை

2007-06-28T20:15:00.000-04:00

இதற்கும் முன்பு போட்ட பதிவிற்கும் சம்பந்தமில்லை.
வார்ப்புரு மாற்றச் சோதனை.

கூடா நட்பு

2007-06-27T17:47:00.000-04:00

முகம் பார்த்து சிரிக்கும் நண்பா
புறம் பார்த்து தூற்றுவதேன்
உயிர்காப்பதாய் சபதஞ்செய்து
சிறு உதவிக்கு ஓடுவதேன்

துன்பம் வரும் வேளையிலே
தோள் கொடுத்தேன்
மாற்றாய் உடுக்கை இழக்கையிலே
துன்பத்தை தருவதேன்

மென்னிதயம் கொண்டோர்
துயரங்கொள் வேளையிலே
கலங்கிப்போன மனக்குளத்தில்
கொடுஞ்சொற்கல் எறிந்துவிட்டு
பிணக்கை உருவாக்கும்
சினத்துக்குறியதாய் சிறுமை பலசெய்து
மனத்துக்கினியவாய் வாய்மலர்ந்து
புற அழகாய் நட்புமுகமேன்

துன்பமுற்றோர் வாழ்வதனில்
அன்பொழுகப் பேசாமல்
வன்மனத்தால் சூதுசெய்து
பழிபாவம் நோக்காமல்
மனக்குரங்கின் தும்பைவிட்டு
சுடுசொல்லால் தீங்கிழைக்கும்
துன்மதியார் வாசலைத்தான்
பேதையே நீ மிதிப்பதேன்?

.......னா?

2007-06-14T18:58:00.000-04:00

1.நண்பன் கூப்பிட்டு அவசரத் தேவையென 24 மணி நேரத்தில் என் சேமிப்பு முழுதையும் கேட்டால் கொடுப்பேனா?
2. பொய் சொல்லாமல் சோம்பேறித்தனத்தால் காலதாமதமானதை சொல்வேனா?
3.ஞானம் அதிகமில்லை, சரக்கு இவ்வளவு தான்னு உண்மையச் சொல்லி வேலைக் கேட்பேனா?
4.Treat என்ற பெயரில் ஓசிச்சாப்பாடுக்கு அலையாமல் இருப்பேனா?
5.ஒரு வருடத்திலாவது எடுத்த சபதத்தை நிறைவேற்றுவேனா?
6.ஒரு நாளாவது எடுத்த வேலையை முழுவதுமாய் செய்து முடிப்பேனா?
7.ஒரு விளையாட்டையாவது ஒழுங்காய் கற்பேனா?
8.அலுவலக சந்திப்புகளில் சிரிப்பே வராத ஜோக்குகளுக்கு அசட்டு சிரிப்பு சிரிக்காமல் இருப்பேனா?
9.மீட்டிங்குகளில் கேட்ட கேள்விகளுக்கு சரியான விடையை தடுமாறாமல் சொல்வேனா?
10.வீட்டிலிருந்தும் ஒரு நாள் முழுவதும் தொலைக்காட்சி பார்க்காமல் இருப்பேனா?
11.ஒரு தடவையாவது அலுவலகத்திற்கு பொய் சொல்லி லீவு போடுவேனா?
12.நாளை பிள்ளை வளர்ந்து, சொல்லும் புதுமைக்கருத்துகளை தடுக்காமல் ஏற்பேனா?
13.மற்றவரிடம் பேசும் பொழுது எல்லாம் தெரிந்த மாதிரி நடிக்காமல் இருப்பேனா?
14.தெரிந்தவர்களிடம் பேசும் போது, என் எண்ணம் தான் உயர்ந்ததென மனதில் தோன்றாமல் இருப்பேனா?
15.காசும், பதவியும் வந்தாலும் ஆணவமில்லாமல் இருப்பேனா?
16.ஒரு நாலுப்பேருக்காவது உபயோகமாய், நல்ல நண்பனாய் இருப்பேனா?
17.என் பிள்ளையை தமிழ் படிக்கவைப்பேனா?
18.பிற்காலத்திலாவது கூலி வேலையை விட்டுவிட்டு மனதிற்கு பிடித்த எம் முன்னோர் செய்த விவசாயம் செய்வேனா?
19.ஊருக்கு உபதேசிப்பதை விட்டு விட்டு உருப்படியாய் இருப்பேனா?
20. வெட்டி அரட்டை, வீண்ணாண இணையமேயல் செய்யாமல் வாங்கும் கூலிக்கு வேலை செய்து கொடுப்பேனா?

மங்கும் மின்மினி

2007-06-10T14:58:00.000-04:00

ஒரு வாரமாக உங்கள் எல்லோரையும் படுத்தி வந்தது ஒரு வழியாக இன்று முடிவுக்கு வருகிறது. எல்லா நாளும் வலைபதிய வேண்டும் என்பது என்னைப்பொருத்த அளவில் சவாலாகவே இருந்தது. எல்லாவற்றையும் முதலிலேயே திட்டமிட்டு சரிசெய்து குறிப்பெல்லாம் எடுத்துக்கொண்டு எழுத தொடங்கும் சில நாட்களிலேயே நான் எழுத நினைத்ததை வேறு சிலர் எழுதியதும் நடந்தது அடுத்த விஷயம் பின்னூட்டம் வந்து இருந்தால் பார்த்து பதில் சொன்னது. இவ்வளவு நாள் நான் கவலைப்படாமல் இருந்தது அடுத்தவர்களுக்கு பின்னூட்டம் இடாதது. எப்போதாவது ஒரு பின்னூட்டம் போடுவதோடு சரி. இப்போது புரிகிறது எந்த அளவுக்கு பின்னூட்டம் இடுவது அடுத்தவரை உற்சாகப்படுத்துகிறது என்று.

தமிழ்மணத்தில் கடந்த ஒரு வாரத்தில் வந்த மொத்த இடுகைகள் ஆயிரத்தை தாண்டும் இதில் என்னுடைய ஏழே ஏழை மட்டும் தலைப்பில் நிலைக்க வைத்து மதிப்பு கொடுக்கும் அளவுக்கு தரமானதாக இருந்ததா என்று தெரியவில்லை. நட்சத்திரமாக இருக்க அழைத்த தமிழ்மணத்துக்கும் உற்சாகம் கொடுத்த சக பதிவர்களுக்கும் என் நன்றியும் வாழ்த்துகளும்.

எச்சரிக்கை:இது ஒரு வெட்டி பதிவு

2007-06-09T21:59:00.000-04:00

எனக்கும் சடப்பாண்டிக்கும் பலகால நட்பு. சடப்பாண்டி சென்னைத்தமிழ் காதலன். நான் அவன் காலைவாருவதும், அவன் என்னை தாக்குவதும், கருணாநிதி ராம்தாஸ் மாதிரி அப்படி ஒரு அதீத நட்பு. அரசியல் மீட்டிங்குகளில் திடீரென கேள்விப்படும் விஷயங்களில் சந்தேகம் வந்துவிடும் நம்ம சடபாண்டிக்கு, அல்லது ஏடாகூடமாக ஏதாவது கேள்வி கேட்டு நம்மை மடக்குவதில் சடபாண்டிக்கு அலாதி இன்பம்.

'' நைனா, புயநானூறுன்னா இன்னாப்பா? ''என்பான், அவனுக்கு விளக்கி முடிப்பதிற்குள் நமக்கு தொண்டைத்தண்ணி வற்றிவிடும்.

எது சரி பாணி கேள்விகள் அதிகம் அவனிடமிருந்து வரும். கத்திரிக்காய் கரீட்டா, கத்தரிக்காய் கரீட்டா என்பான்.சேட்டை சேட்டுன்னு கூப்பிடணுமா, சேடுன்னு கூப்பிடணுமான்னான் இன்னொரு நாளைக்கு, தாகம் எடுக்குமா, தாகம் அடிக்குமான்னான்... ஒரு நாளைக்கு. விளக்கெண்ணைக்கு பேரு வச்சது யாருன்னான் ஒருநாளைக்கு.
அதுவாவது பரவாயில்லை, ஒரு தடவை 'எதிர்வூட்டு ஆயா, அயுகுது'ன்னான் கடைக்குள்ள வந்துகொண்டே. 'அடப்பாவி, பாட்டி போய்சேந்துட்டாங்களா'ன்னேன்.

'ஒன் வாய கழுவுடா... பாட்டி நல்லாதான் கீது... சீரியல் பாத்துட்டு அயுகுது'ன்னான்..

அய்யோ, சடப்பாண்டி!! பழம் காய்கறிதான் அழுகும்.. மனுசங்க அழுகணும்னா.. செத்தாத்தான் முடியும.. அழுகறதுன்னா கெட்டுப்போறதுன்னு விளக்கினா..

'தா.. இப்போ இன்னான்றே..தமிழ் தமிழ்ங்கறே.. அல்லாரும் இங்கிலீஷ் படிச்சுகினு போறாங்கோ.. இருக்கறதுக்கும் நொள்ள சொல்லினுகீற..அப்பிடின்னான்.

அப்படி தான் ''பஞ்சதந்திரம்'' படத்தை அவன் கடையில் உட்கார்ந்து பார்த்து கொண்டிருந்த போது திடீரென்று என்ன பார்த்து ''தமிழ் ஒரு லூசு மொழி அன்னாத்த'' என்றான்.
அதை கேட்ட நான், அடப்பாவி எல்லோரும் தமிழை செம்மொழி அப்படி இப்படினு சொல்லிக்கிட்டிருக்கும் போது, கொஞ்சம் கூட கவலையே படாம லூசு மொழினு சொல்லிட்டானேனு கோவமா எப்படி என்னடா உளர்றேன்னேன்.
இன்னொரு பக்கம் சொந்த வாயாலேயே சூனியம் வைக்கிறானேன்னு மனசுக்குள்ள புலம்பிட்டிருக்க சொல்ல....அடச்சீ....இருந்தேன்.

அப்போ நம்ம சடபாண்டிப்புலவர் தன் இதழ் மலர்ந்து தன் முதல் கணையை எய்தார்.
சடப்பாண்டி : பஸ்ஸூல பின்னாடி ஏறினா அதுக்கு நம்ம கண்டக்டர் இன்னா சொல்லுவான்னு சொல்லு

நான் : 'முன்னாடி போய்யா' ம்பார்

சடப்பாண்டி : முன்னாடி ஏறினா அதுக்கு இன்னா சொல்லுவாரு நம்ம ட்ரைவன்.

நான் : உள்ளே போய்யாம்பார்.

சடப்பாண்டி : உள்ளேனா, முன்னாடியா, பின்னாடியா?

நான் : .பின்னாடிதான்..

சடப்பாண்டி : சரி, கோவில்ல எப்படி சாமி கும்பிடுவன்னு சொல்லு

நான் : சாமியப்பார்த்து தான், என்னடா கேள்விக்கேக்குற சட

சடப்பாண்டி : இல்லடா, சாமி சிலே எங்க இருக்கும் உனக்கு?

நான் : முன்னாடி தான் இருக்கும்

சடப்பாண்டி : அப்ப நீ சாமிய கும்புடும் போது சாமிக்கு முன்னாடி இருப்பியா இல்ல பின்னாடி இருப்பியா?

நான் : அய்யோ சாமி உன் தொல்லை தாங்க முடியலை. சாமிக்கு முன்னாடி தான்

சடப்பாண்டி : சரி இப்போ பின்னாடிக்கு வரேன். ஒரு தெருல நடந்துனுக்கீர அப்ப நீ வேணுங்குற தெரு தாண்டி போய்ட்ட அப்புறம் இன்னும் முன்னாடி போவியா இல்ல பின்னாடி போவியா?

நான் : பின்னாடி தான். ''பயலுக்கு ஏதாவது கோளாறா இன்னைக்கு நிறைய கேட்டுக்கிட்டுருக்கானே ஏதோ பெரிய பாதாளத்துல இறங்குறானு தெரிஞ்சு போச்சுன்னு'' மனசுக்குள்ள நானே புலம்பிக்கிட்டேன்

சடப்பாண்டி : பேங்குல எதுக்கு காசு போடுற

நான் : பின்னாடி பயன் படும்னு தான்

சடப்பாண்டி : முன்னாடி எந்த ஊருல இருந்தே

நான் : பெங்களூர்ல இருந்தேன்

சடப்பாண்டி : முன்னோர்னா யாரு நைனா?

நான் : நமக்கு முன்னாடி இருந்தவங்க

சடப்பாண்டி : அப்ப உனக்கு முன்னாடி இருக்கறவங்கள முன்னோர்னு சொல்லுவியா? இதென்னயா கதயா கீது? நீ தாண்டி போன தெருவ பின்னாடி இருக்குங்குற, இருந்துட்டு வந்த ஊர முன்னாடிங்கர என்னய்யா பேசறே....

நான் : ஙே.......

சடப்பாண்டி : அப்ப தமிழ் லூசு மொழிதானே?

அவனுக்கு எப்படி space dimension, time dimension விளக்கறது, அது ரெண்டுத்தலை முன்னாடியையும், பின்னாடியையும் எப்படி எதிர்மறையா தமிழ்ல பயன் படுத்தரோம்னு எப்படி அவனுக்கு விளக்கறதுனு புரியாம ''ஆமாம் தமிழ், புரிஞ்சுக்க முடியாதவங்களுக்கு லூசு மொழிதான்'னு சொலிவிட்டு பதிவழுத ஓடிவந்துவிட்டேன்.

கண்ணதாசனும் கத்திரிக்காயும்

2007-06-08T13:38:00.000-04:00

கண்ணதாசன். யாருக்கும் தெரியாமல் மனத்தால் இழிந்து, பொய்யாய் வாழ்ந்து மறைகிறோம். நல்லதையும் கெட்டதையும் ஒருங்கே பார்த்து, வியந்து, அனுபவித்து இன்னும் என்னவெல்லாம் ஒரு மனிதன் தன் வாழ்நாளில் செய்யமுடியுமோ அத்தனையும் செய்து அவன் இன்னமும் வாழ்கிறான்.

என்னைப்போன்றோருக்கு எப்படி அவனை உணர முடிகிறது. வெறும் 54 வருடம் தான் வாழந்திருக்கிறான். அதற்குள் எத்தனை சாதனை, சோதனை. என்னை விட வயதில் மூத்தோருக்கு அவனை நான் சொல்லித் தெரியவேண்டியதில்லை. பழைய சினிமா பாடல்களின் மூலம் அறிமுகமான காலத்தில வெறும் சினிமா பாடல்களை மட்டுமே வைத்தே நினைத்திருந்ததை அவனிடம் மானசீகமாய் மன்னிப்புகேட்க வைத்தது அர்த்தமுள்ள இந்துமதம்.

தனக்குதானே பட்டம்சூட்டிக்கொள்ளும் மாக்கள் எங்கே, தன்னையே பகடி செய்துகொண்ட அவன் எங்கே.

சேர்கின்ற பொருள்களைச் செம்மையாய் எந்நாளும்
காக்கவும் திறமை இலையே
ஜெயிக்கின்ற கட்சியில் நுழைகின்ற வித்தையைத்
தேருமோர் அறிவு மிலையே.

காமராஜரைப்பற்றி மிகச்சுலபாக எப்படி எழுதமுடியும் என வியக்க வைத்த

சொத்து சுகம் நாடார் , சொந்தந்தனை நாடார்
பொன்னென்றும் நாடார் , பொருள் நாடார், தான்பிறந்த
அன்னையையும் நாடார் , ஆசைதனை நாடார் ,
நாடொன்றே நாடித்தன் நலமொன்றும் நாடாத
நாடாரை நாடென்றார்.

தேடித்தட்டச்ச வைத்த கண்ணதாசனின் அனுபவப் பாடலொன்று..

முட்டை பட்டாணி மூளை
முருங்கைக் கீரை வெங்காயம்
தட்டைப் பயிறுகள் மொச்சை
சாகர எறாக்கள் நண்டு
கொட்டை உருளைக் கிழங்கு
கொடியதோர் வாய்வு காணும்
தொட்டுப் பாராதே ! என்றும்
சுவைக்காக நோய் பெறாதே !

முளைக்கீரை மணத்தக்காளி
முருங்கைக் காய், வெள்ளரிக்காய்
உளிப் பூண்டோடு அகத்திக்கீரை
உயர்ந்த தக்காளி, கோசு
களியோடு நெய் பருப்பு
கத்தரி, வெண்டை, பீட்ரூட்
நெளிகின்ற புடலை, நெல்லி
நீள் கொத்தவரரையோடு

பூசனி, சுரை, பரங்கி
பூக்கோசு, பசலைக் கீரை
பேசவோர் விலை லேல்லாத
பிஞ்சான பிரண்டை, வேலித்
தூசியில் முளைத்த கொவ்வை,
தொண்டங்காய், குப்பைக் கீரை
ஊசிபோல் கொத்தமல்லி
உண்ணுவாய் பொதினாவோடு !

சுவைக்க சுவைக்க திகட்டாத திரைப்படப்பாடல்கள் ஏகப்பட்டதை ஏகப்பட்டபேர் சொல்லி இருந்தாலும் என் பங்குக்கு எனக்கு பிடித்த எனக்கு தெரிந்தவரையில் தமிழ்திரைப்படத்தில் வந்த ஓரே அந்தாதிப் பாடல்.

வசந்த கால நதிகளிலே
வைரமணி நீரலைகள்
நீரலைகள் நீரினிலே
நெஞ்சிரண்டின் நினைவலைகள்

நினைவலைகள் தொடரந்து வந்தால்
நேரமெல்லாம கனவலைகள்
கனவலைகள் வளர்வதற்கு
காமனவன் மலரகணைகள்

மலர்ககணைகள் பாயந்து விட்டால்
மடியிரண்டும் பஞ்சணைகள்
பஞ்சணையில் பள்ளிகொண்டால்
மனமிரண்டும் தலையணைகள்

தலையணையில முகம் புதைத்து
சரசமிடும் புதுகலைகள்
புதுக்கலைகள் பெருவதற்கு
பூமாலை மனவினைகள்

மன வினைகள் யாருடனோ
மாயவனின் விதி வகைகள்
விதி வகைகள் முடிவு செய்யும்
வசந்த கால நீரலைகள்...

நூலினால் சுட்ட வடு...

2007-06-07T20:35:00.000-04:00

சிறு வயதில் கோகுலமும் அம்புலிமாமாவும், பூந்தளிரும் பிடித்தது. கோகுலத்தில் வரும் 16 பக்க வண்ணப்படக்கதைக்காக காத்தருந்த நாட்களும், தேவனின் கதைகளும், மந்திரவாதி
மாண்டேரக்ஸ் போன்ற காமிக்ஸ் கதைகளும் இனிமையானவை. வாசித்த பல சிறுவர் புத்தகங்களைத்தாண்டி பொன்னியின் செல்வனை அம்மா அறிமுகப்படுத்தி வைத்தாள்.விளையாட்டாய் ஆரம்பித்த புத்தகம் எல்லாவற்றையும் நிறுத்திவிட்டு படிக்க வைத்தது. பின்பு நான் பல படித்தாலும் சில புத்தகங்கள் யாராவது குறுப்பிடும்போதோ, எங்காவது படிக்கும் போதோ ஒரு புன்முறுவலையோ, வருதத்தையோ, நெகிழச்சியையோ, சிரிப்பையோ வரவழைக்கும். அவ்வகையில் நான் படித்த சில (வித்தியாசமான?!) புத்தகங்கள்.

Yes Minister. இதை படித்தவர்கள் இந்நேரம் முறுவலித்திருப்பார்கள். படிக்காதவர்களுக்கு சிரித்து சிரித்து வயிறு புண்ணாவதற்கு நான் உத்தரவாதம். இது பிரிட்டிஷ் தொலைகாட்சியில் தொடராக வந்தது, எனக்கு புத்தகமாக படிக்க வாய்ந்தது. பின்பு சில பகுதிகளை நிகழ்படமாக பார்க்கவும் கிடைத்தது. ஒரு சின்ன அதிர்ஷ்டத்தில் மந்திரி ஆகிவிடும் நல்லவர், மக்களுக்கு நல்லது செய்ய வேண்டும் என்கின்ற அடிப்படையில் மிக ஆர்வமாக இருப்பார். அதிகார வர்கத்தில் முதல் நிலை ஊழியரான பிரதம காரியதரிசி எப்படி அதிகாரத்துவ நலனுக்காகவே அரசாங்கத்தை நடத்துகிறார் என்ற தீவிரமான விஷயத்தை பயங்கர கேலியாகவும், கிண்டலாகவும் வர்ணித்திருப்பார் எழுத்தாளர்கள. தன் வேலையை சாதிப்பதற்காக மந்திரியை பல சிக்கல்களிலும் மாட்டி விட்டு எதுவுமே தெரியாத்து போல் செயலாற்றும் காரியதரிசியை நீங்கள் எந்த அரசு அலுவலகத்திலும் காணலாம். ஒவ்வொரு அத்தியாய முடிவிலும் ''Yes Minister" என்று பவ்யமாய் முடிப்பார் காரியதரிசி. அதனாலேயே இந்த பெயரை தலைப்பாக வைத்திருக்கிறார் ஆசிரியர். பிரிட்டிஷ் ஆங்கிலத்தின் அழகை இரசிக்க இந்த புத்தகம் சிறந்த ஒன்று.

Hitch Hiker guide to Galaxy: Douglas Adams எழுதிய புத்தகம் இது. மா.சி கூட புரட்டிப்போட்ட புத்தகங்கள்
வரிசையில கூட எழுதியிருந்தார். 1978ல் BBC ரேடியோவில் வந்த தொடர் பின்பு புத்தகமாக வந்தது. நாமெல்லாம் ஏதோ பெரிய மனிதர்கள் இவ்வுலகத்தில் வாழ்வதை இருப்பதை கிண்டல் செய்யும் விதத்தில் உருவாக்கப்பட்ட அறிவியல் புனைவு. உலகப்பந்தை அழித்து விட்டு பாதை போட்டு விடுகிறார்கள் வேற்று கிரகத்தார், கேட்டால் பெரிய ரோடு போடும் போது இதெல்லாம் ரொம்ப சகஜம் என்கிறார்கள். ஒரே ஒரு மனிதன் மட்டும் தப்பித்து (தப்பிக்க வைக்கப்பட்டு) வேற்று கிரக வாசிகளோடு போகும் போது தான் அண்டத்தின் பிரம்மாண்டம் தெரிகிறது. அவருக்கு உபயோகமாக அண்டத்தை விளக்கும் கைடை (guide) கொடுக்கிறார்கள். மனிதர்களைப் பற்றி என்ன நினைக்கிறார்கள் என்று
ஆர்வத்தோடு பார்க்கிறார் ஹீரோ. ஏதோதோ கற்பனை செய்துகொண்டு பார்க்கையில் சொல்கிறது '' Mostly Harmless" என்று ஏதோ புழு பூச்சி மாதிரி இரண்டே வார்த்தைகளில் முடித்து விடுகிறது. பயங்கர லாஜிக்கான காமடியாக பல விஷயத்தை கிண்டலடிப்பார் ஆசிரியர்.

எனக்கு பிடித்த ஓர் வரி இதில், மனிதனை வர்ணிக்கும் ape-descendent life form who think digital watches are a neat ideaவும் ஒன்று. மனிதனைப் போலவே கதவை திறக்க
காவலாளியாய் பயன் படுத்தும் ஒரு இயந்திரர்(Robot) தன்னால் இத்தனை வேகமாக கணக்கு போடமுடியும்,அத்தனை வேகமாய் செயலாற்ற முடியும் என்னைப்போய் 'டீ கொண்டு
தருவதற்கு பயன்படுத்துகிறார்கள என்று தன் திறமை எல்லாவற்றையும் வீணடிக்கிறார்கள் என்று புலம்பிக்கொண்டே இருக்கும்.

ஒரு உரையாடல்
“The argument goes something like this: ‘I refuse to prove that I exist,’ says God, ‘for proof denies faith, and without faith I am nothing.’
“‘But,’ says Man, ‘The Babel fish is a dead giveaway, isn’t it? It could not have evolved by chance. It proves you exist, and so therefore, by your own arguments, you don’t. QED.’
“‘Oh dear,’ says God, ‘I hadn’t thought of that,’ and promptly vanished in a puff of logic.
“‘Oh, that was easy,’ says Man, and for an encore goes on to prove that black is white and gets himself killed on the next zebra crossing.

மேலாண்மை படித்த பொழுது என்னுடைய Strategic Management professor சொன்னது ''Art of War" படிக்காதவன் ''Strategic Idiot". Art of war அப்பொழுது(1வருடத்திற்கு முன்) வாங்கியது இன்னமும் படித்துக் கொண்டே....யிருக்கிறேன். திருக்குறள் மாதிரி சின்ன வரிகளில் ''சண்டையே போடாமல் போரில் வெல்வது எப்படி'' ங்கற விஷயத்தை விவரிக்கும் புத்தகமிது. Sun Tzu என்ற சைன படைத்தளபதியின் பொன்மொழிகளே இவை. படைக்காகவும், போருக்காகவும் எழுதப்பட்ட புத்தகமிது. இன்று ராணுவத்தைத் தாண்டி மேலாண்மை, விளையாட்டு என்று எவ்விடத்திலும் தன் திறமையை பயன் படுத்த தரும் முத்து. அன்றைய நெப்போலியன் முதல் இன்றைய முஷாரப் வரை ராணுவ தளபதிகளாலும் இதை பயன் படுத்தியதாக தெரிகிறது. பல நாடுகளிலும் அலுவலகங்களின் பெருந்தலைகள் பயன்படுத்தும் புத்தகம். ஒரு பொன்னான வரி
Carefully study the well-being of your men, and do not overtax them. Concentrate your energy and hoard your strength. Keep your army continually on the move, and devise unfathomable plans.

Rich dad Poor dad எனும் உங்கள் பர்சை குறிவைக்கும் புத்தகம்(விலையால் அல்ல விஷயத்தால்) பணம் என்றால் என்ன, பணத்தை எப்படி சேமிப்பது, என்று அடிப்படை விஷய ஞானத்தை போதிக்கும் புத்தகம். கடன் அட்டையில் மூழ்கி தவிப்பரெனில், நான் கட்டாயம் பரிந்துரைக்கும் புத்தகம். நம் தாய் தந்தையர் சொல்லித் தந்த ''சேமிக்க பழகு'' விஷயத்தை இன்றைய காலகட்டத்தில் எப்படி பயன் படுத்த வேண்டுமென்பதை விளக்கி 'பணத்தால் பணம் பண்ணும் வித்தையை கற்க வலியுருத்துகிறது. இதை எதிர்த்து பல எதிர்வின்களை இணையத்தில் காணக்கிடைத்தாலும் இன்றும் இது சக்கை போடும் புத்தகமாகவே இருக்கிறுது.

ஆங்கிலத்தில் புதிதாய் வார்த்தை சேர்த்த Catch-22. இப்புதகத்தை படித்தேன் என்று சொல்பவர்களை நான் உடனடியாய் கேட்கும் கேள்வி இந்த புத்தகத்தை தொடர்ந்து வாசித்து முடித்தீர்களா என்றுதான். எதிர்மறை என்பதை புத்தகம் முழுதும் தெளித்திருப்பார் ஆசிரியர். பயங்கரமாய் மண்டைகாய வைக்கும் புத்தகம். ஒரே குழப்படியாகவும் பகடியாகவும், எதிர்மறையாகவும், பயித்தக்காரதனமாகவும், சிரிப்பாகவும் மொத்தத்தில் நம் வாழ்க்கை போலவே இருக்கும். இந்த புத்தகத்தில் ஒரு அதீத விஷயம் நீங்கள் எங்கிருந்து வேண்டுமானாலும் படிக்கலாம். யோசாரின் என்ற ஒருவன் எப்படி போரிலிருந்து(போரிட்டு அல்ல, போர் பிடிக்காமல், சாவுக்கு அஞ்சி) தப்பித்து வீட்டுக்கு திரும்பி செல்ல முயலுகிறான் என்பதே அடிநாதம். போரினால் வீரர்களுக்கு எந்த அளவில் பாதிப்பை ஏற்படுத்தும் என்பதிலிருந்து அதிகாரவர்க்கத்தின் எதேச்சதிகார திட்டங்கள் வரை உணர முடியும். ஒரு வரையரைக்குள் கொண்டு விளக்கமுடியாத புத்தகம் அல்லது எனக்கு அந்த அளவுக்கு இலக்கிய அறிவில்லை.

Love in the time of cholera மற்றும் Mind of the strategist போன்ற புத்தகங்களையும் மேலே உள்ளவற்றையும் விரிவாக எழுத ஆசை. தனிஇடுகைகளாகவோ, புரட்டிப்போட்ட புத்தகங்கள் மாதிரி தனிப்பதிவாகவோ போடவேண்டியதுதான். இத்தோடு இப்போதைக்கு The End.

மாண்புமிகு முதல்வருக்கு ஓர் கோரிக்கை மடல்

2007-06-07T20:26:00.000-04:00

மாண்புமிகு முதல்வருக்கு ஓர் கோரிக்கை மடல்

முதலில் போட்ட நட்சத்திர பதிவு தமிழமண பக்கத்தில் காணமலே போய்விட்டது. நட்சத்திர வாரத்தில் நுட்ப பதிவு போட்டு மண்டைகாய வைத்த புரட்சிக்கு அடுத்து ஒரு வாரத்துக்குள்ளாகவே மீள் பதிவு பண்ணுகிற அடுத்த புரட்சி.

நிகழ்நேர இயங்குதளம் - ஓர் அறிமுகம்

2007-06-03T20:50:00.001-04:00

இங்குதளம்(Operating System) என்பது ஒரு கணிணியின் வன்பொருளுக்கும் மென்பொருளுக்கும் இடையில் இயங்கும் நிரல்கட்டமைப்பு. CPU என்பதை ஒரு மூளையோடு ஒப்பிட்டால் இயங்குதளத்தை புத்தியோடு ஒப்பிடலாம். பிரபலமான சில இங்குதளங்களின் பெயரைக்கேட்டால் UNIX, XP,Linux என்பீர்கள். சரி கணிணி சார் பொருட்கள் அனைத்தையும் ஓரிடத்தில் குவித்து வைத்து அதில் நாம் அன்றாடம் பயன்படுத்தும் Windows, Linux , Mac OS போன்றவற்றால் இயங்கும் உபகரணங்களை மட்டும் பிரித்தால் எத்தனை சதவிகிதம் இருக்கும்? (விடை கடைசியில்)

இயங்குதளம் சரி, அது என்ன நிகழ்நேர(Real-time OS) இயங்குதளம்? சுருங்கச் சொன்னால் இவை சிறப்பு வகையை சார்ந்த இயங்குதளம். பதிகணினியியலில்(embedded technology)
அதிகம் பயன்படுத்தப்படும் இயங்குதளம். சாதாரணமாக நாம் உபயோகிக்கும் இயங்குதளங்கள் நேரக் கட்டுபாடு கொண்டவையல்ல. உதாரணம் MS WORD ஐ சொடுக்கும் போது

தொடர்புடைய மற்றொரு நிரல் நினைவகத்தில் ஏறுவதற்கு நேரம் எடுத்துக்கொண்டாலோ அல்லது செயல்படவில்லையெனிலோ இயங்குதளம் தன் கட்டுப்பாட்டை இழந்துவிட்டதாக கருதமுடியாது. ஆனால் விமானத்தின் இயக்கத்தில் இதே மாதிரி ஒரு பிழை நேர்ந்தால்...?

விமான கட்டுப்பாட்டகம், ராக்கெட், ஏவுகணை போன்றவை, வின்வெளி செயற்கை கோள்கள், தொலை தொடர்பு இயக்ககங்கள், இயந்திரர் (robots), நாற்சக்கர வாகனங்கள், நிழற்பட, நிகழ்பட இயக்கிகள், கைத்தொலைபேசிகள், மருத்துவ உபகரணங்கள் என்று நீண்டுகொண்டே செல்லும் கணிணிசார் உபகரணங்களில் பெருமளவில் இந்த வகை இயங்கு தளங்கள் உபயோகப்படுகிறது.

இதனைப்பற்றி சொல்லப்படும் சொலவடை சாதாரண இயங்குதளம் இயங்காமல் போனால்வேலை போகும், நிகழ்நேர இயங்குதளங்களால் உயிர்கள் போகும். உதாரணம் இதயத்துடிப்பை கண்காணிக்கும் கருவிகள், space shuttle failures, சரியான நேரத்தில் போய்ச்சேராத ஒரு தகவல்.

சரி அப்படியென்ன வித்தியாசமானவை இந்த இயங்குதளங்கள்? மேல் சொன்ன உதாரணங்களை கொண்டு நிகழ்நேர இயங்குதளங்கள் மிக வேகமான இயங்குதளங்கள் என்று
முடிவுகட்டிக்கொள்ளக்கூடாது. செயற்கைக்கோளுக்கு இருக்கும் செயல் வேகத்தை விட ஒரு தொலைபேசி இயக்கத்திற்கு இருக்கக் கூடிய வேகம் அதிகம் தேவையில்லை. ஆனால் இரண்டிற்கும் பொதுவானவை வினையை செய்து முடித்து அடுத்த வினைக்கு கொடுக்கவேண்டிய சமிஞ்ஞைகளையும், தகவல்களையும் கொடுக்க வேண்டிய நேரத்தில் கொடுக்க வேண்டும். அதாவது சரியாக செய்யவேண்டியவை(logical முடிவு) மட்டுமல்ல நேரமுடிவும் (timing) மிகவும் முக்கியம். இது பெருமளவில் வடிவமைப்பு தொழிற்நுட்பம் சார்ந்த இயங்குதளங்கள் எனக்கொள்ளலாம். எல்லா இயங்குதளங்களையும் இவ்வாறு செயல்படுத்த முடியும். ஆனால் அதற்கான தேவையும் சிறப்பு இயக்கி(Processor)களும் தேவை.

ஒரு சிறு உதாரணம், இரண்டு மோட்டார்கள் உள்ளன. அதில் ஒன்று பத்து வினாடி தண்ணீர் இறைத்து தொட்டியில் விட வேண்டும். மற்றொன்று இருபத்தொன்றாவது வினாடியில் அதை எடுத்து வயலுக்கு பாய்ச்ச வேண்டும். இப்பொழுது இவை இரண்டும் சரியான நேரத்தில் இரண்டையும் செய்ய வேண்டும். இதில் மேலும் ஒரு வினையை சேர்ப்போம் தொட்டியில் கொள்ளளவு பாதி வந்தவுடன் அதாவது 10வினாடியிலிருந்து 15 வினாடி வரை வெப்பபடுத்த வேண்டும். இதுவும் சரியாக வேலை செய்கிறது. அடுத்து ஒவ்வொரு 10 முறைகளுக்கு பிறகும் வயலுக்கு போகும் ஓடையின் திசையை இரண்டாவது தொட்டி 90 degree க்கு மாற்ற வேண்டும் என்று ஒரு கட்டளை. தொட்டியில் ஒரு சிறிய மாற்றம் செய்வோம், தண்ணீர் ஒரு குறிப்பிட்ட அளவு இல்லையெனில் வெப்பம் 2.5 நொடிகளும், இரண்டாவது தொட்டி 20 முறைக்கு ஒரு தடவையும் 90 degree க்கு மாற வேண்டும் என்று. இந்த மொத்த இயக்கத்தையும் ஒரு வயல் செயலியாக கருதிக்கொள்ளுங்கள். இதே போல் நூறு வயல் செயலிகளை ஒரே கட்டுபட்டாகம் கொண்டு இயக்க வேண்டும். இவற்றில் ஒன்று இயங்காமல் ஒத்திசையாமல் போனால் கூட மொத்த இயக்கமும் கட்டுப்பாட்டை இழந்துவிட்டதாக கொள்ளவேண்டும். இதை போன்ற செயலிகளுக்கு நிகழ்நேர இயங்குதளம் தேவைப்படும்.

சாதரண இயங்குதளங்களைவிட மூன்று முக்கிய வேறுபாடுகள்.
1. நேரக்கட்டுப்பாடு. எல்லா சூழ்நிலைகளிலும், வேலைப்பளு இருந்தாலும இல்லாவிட்டாலும் ஒரு வினைத்தொடருக்கான நேரம் மாறவேகூடாது.
2. அறுதியிடப்பட்ட வரையறைக்குள்(நினைவகம் முதற்கொண்டு) செயல்களை முடிக்கும் திறன்.
3. எதிர்பார்க்கும் வினைமுடிவு.

இதோடு நிறுத்திவிட்டு மேலும் சில விவரங்களை பார்க்கலாம். இயங்குதளங்களின் உள்விவரம் தெரிந்தவர்கள் மேலோட்டத்தோடு நிறுத்துகிறேன் என்று சண்டைக்கு வராதீர்கள். இன்னும் விவரமாக எழுத ஒரு தொடரோ அல்லது ஒரு தனி புத்தகமோ எழுதுமளவிற்கு விஷயமிருப்பதை அறிவீர்கள்.

VxWorks, pSOS, QNX, RTLinux போன்றவை பதிகணினியியலில்(embedded) உலகத்தின் Windows, Linux வகையறாக்கள். அதிலும் VxWorks தான் முடிசூடா மன்னன். இன்னும் சில
(பல) குறிப்பிட்ட வகை உபயோகத்திற்கென நி.இதளங்கள் உள்ளன. உ.ம்; Symbian - கைத்தொலைபேசிக்கானவை. ஒரு முக்கிய விஷயத்தை கவனத்தில் கொள்ளவேண்டும். முன்பே சொன்னமாதிரி வடிவைப்பும், எதற்காக பயன்படுத்துகிறோம் என்பதும் முக்கியம். சிலவகை மிகச்சிறிய உபகரணங்களில்(உ.ம்; சாலை விளக்குகள்), இயங்குதளமே தேவைப்படாது.

பல நேரங்களில் வடிவமைப்பில் பிழை நேரும்போதுதான் பல விபத்துகளுக்கும்(செவ்வாயில் உணமையில் என்ன நடந்தது?) , கடலில் விழும் ராக்கெட்டுகளுக்கும் காரணம்.
அன்றாடம் பயன்படுத்தும் Windows, Linux , Mac OS போன்றவற்றால் இயங்கும் உபகரணங்களை மட்டும் பிரித்தால் எத்தனை சதவிகிதம் இருக்கும் என்று கேட்டிருந்தேனல்லவா?
Windows, Linux எல்லாம் சேர்த்து வெறும் 5 சதவிகிதம் தான் வரும். மீதி தொண்ணூற்றைந்து சதவிகிதம் உலகை ஆளவது நிகழ்நேர இயங்குதளங்களே!!

இலவசகொத்தனாருக்கு சமர்ப்பணம் அல்லது படம் காட்டுதல்

2007-06-03T11:05:00.001-04:00

நட்சத்திர வாரத்துல எல்லா பதிவையும் தீவிரமான பதிவா போட்டா இவன் தீவரவாதின்னு முத்திரை குத்தீடுவாங்கன்னு தமிழ் பதிவுலகின் மிக மிக முக்கியமான பதிவர் ஒருவர் கருத்து தெரிவித்திருந்தார். இருக்கற கொஞ்சநஞ்ச விஷயத்தையும் ஒரே வாரத்தில எழுத சொல்லீட்டாங்ளேன்னு கடுமையா சிந்தனை பண்ணிக்கிட்டு இருந்தப்போ, சிஷ்யன் தயாராகும் போது குரு தோன்றுவார் அப்படிங்கற மாதிரி இலவசக்கொத்தனார்
இந்த பதிவைப் போட்டார். கொத்தனார், கட்டைவிரலெல்லாம் கேட்கக்கூடாது, சொல்லிட்டேன்!!
அதனால் படம் காட்டறதுன்னு முடிவு பண்ணியாச்சு!!

சிலருக்கு கோடை காலமானால் சுற்றுலா போக வாய்ப்பும் நேரமும் கிடைக்கும். சிலருக்கு பணி நிமித்தம் வேறு இடங்களுக்கு போக வாய்ப்பு கிடைக்கும். அப்படி பணி நிமித்தம் வேறு இடங்களுக்குப் போக வாய்பும்,ஊர் சுற்ற நேரமும் கிடைத்தால்.... நான்தான் அந்த அதிர்ஷ்டசாலி.

சுருக்கமா சொல்லணும்னா, நான் தற்போது வசிக்கும் மாசூசட்ஸ் மாகாண Cape Cod வடகிழக்கு அமரிக்காவின் Goa மாதிரி. குளிர் காலத்தில் மனிதத்தலையை (மிருகத்தலையும் சேர்த்து தான்) காணக்கிடைக்காது. வெய்யில் காலத்துல அமரிக்க மக்கள் மட்டுமில்லாம பல்வேறு நாடுகளிலிருந்தும்(ரீல் சுத்தல, நிசமாத்தேன்) சுற்றுலா வாசிகள் இங்க வந்துடுவாங்க.

மாசூசட்ஸ் மாகாணத்துல விரல் மாதிரி நீட்டிக்கொண்டிருக்கும் ஒரு தீபகற்பம்(தீவு!!) தான் இந்த பகுதி. இது ஒரு காலத்தில் நிலத்தோடு சேர்ந்தே இருந்தது. எல்லா பக்கங்களிலும் கடல் சூழ்ந்து ஒரே ஒரு துண்டு பகுதி மட்டும் மாகாணத்தோட ஒட்டிக்கொண்டு இருந்ததை ஒரு பெரிய கால்வாயை வெட்டி இரண்டு பக்க கடலையும் சேர்த்து மனிதனால் உருவாக்கப்பட்ட ஆயிரம் ச.கிமீ ( கிட்டதட்ட சென்னை மாநகர அளவு) கொண்ட தீவாகி விட்டது. 115 கடற்கறைகளும், கிட்டதட்ட நிலப்பகுதியில் 50% காடுகளும் ஏரிகளும் நிறைந்தது. மக்கள தொகை; 2 லட்சம்.

இயற்கை எழில் கொஞ்சும் இந்த இடத்தில் சுற்றுலாவுக்கும், கடல்வாழ் உயிரின ஆராய்ச்சியாளர்களுக்கும், சுற்றுச்சூழல் ஆராய்ச்சியாளர்களுக்கும், வரலாற்று ஆராய்ச்சியாள்களுக்கும் ஏகப்பட்ட விஷயங்கள் இருக்கு. வரலாற்றை பொருத்தவரை அமரிக்காவின் ஐரோப்பியாவுக்கு எதிரான Rebel கலாசாரத்திற்கு அடிநாதமாக விளங்கும் நிகழ்வுகள் ஆரம்பித்த இடமாக கருதப்படுகிறது. மேலதிக விவரங்களை இங்கு மற்றும் இங்க பார்க்கலாம்.

சுற்றுச்சூழல் ஆராய்ச்சியாளர்களை பொருத்தவரை இன்னும் ஆயிரம் ஆண்டுகளில் கடல் அரிமானத்தால் இந்த இடம் அழிந்துவிடும் என்கிறார்கள். கடல் சூழ்ந்திருப்பதால் கடல்வாழ் உயிரினங்களுக்கு பஞ்சமே இல்லை. கடல்வாழ் உயிரினங்கள் குளிர் காலத்தில் தன் குஞ்சுகுளுவான்களோடு கரீபியன் கடலுக்கு சென்று விடும். கோடை காலத்தில் வட அட்லாண்டிக் பக்கம் வந்துவிடும்.

இவற்றில் முக்கியமானது திமிங்கிலங்கள். குட்டிகள் போட்டு பாலூட்டும் இனத்தைச் சார்ந்த இவை கடல் மிருகமாக கருதப்படுகிறது. வெய்யில் காலத்தில் பிரம்மாண்டமான உருவமுடைய இவை கடலில் விளையாடுவதை பார்க்க கண்கொள்ளாக்காட்சியாக இருக்கும். அதற்கென்றே தனியாக whale watching என்று நடத்துகிறார்கள். ஒரு பெரிய படகில் இரண்டு மணி நேரம் கடலுக்குள் போய் பின்பு நிறுத்திவிட்டு வேடிக்கை பார்த்தால் திமிங்கிலங்கள் விளையாடுவதை பார்க்க முடிகிறது. நான் பார்த்த காட்சிகள் சில.

இங்கு கடற்சிங்கங்களும்(Seal) இளைப்பாறுவதற்கு வரும். Seal watching என்றும் நடத்துகிறார்கள். சுற்றுலாவுக்கு, கடல் உணவு, கடல் சார் விளையாட்டுகளான water skiing, para sailing, boating, fishing, அழகான, ரம்யமான கடற்கரைகளில் சூரியக்குளியல், ஏகப்பட்ட குறுங்காடுகளில் camping, trail walking எனப்படும் இயற்கை நடைப்பயணங்கள், தேசிய பொழுதுபோக்கான Golfing என இரண்டு மூன்று வாரங்கள் தாராளமாக செலவிடலாம். கடற்புரத்தில் அமைந்தள்ள காடுகள் எழில்வாயந்தவை.

கலா ரசிகர்களுக்கும், திருநங்கையருக்கும் Province town என்னும் Capecod ன் விளிம்பு நகரம் ஒரு முக்கியமான இடம். இங்கிலாந்தின் மாற்று கலாசாரமாய் வாழ விரும்பிய Pilgrims கால் பதித்த இடம் இதுவே. மூன்று பக்கமும் கடல், மாலையில் சூரியன் மறைவதைக்காண்பதற்கும், இயற்கை எழிலை படமெடுப்பதற்கும் வரைவதற்கும் இங்கு ஏகப்பட்ட ஓவியர்களை காண முடியும்.

இங்கு வருபவர்களுக்கு நான் பரிந்துரைப்பவை Nobska Light house(இந்த பதிவின் தலைல இருப்பது), whale watching, Nickerson State Park, Provincetown sunset, Clam chowder( ஒருவகை கடல் உணவு)

நுனிப்புல்

2007-06-02T21:21:00.001-04:00

எந்தத் துறையிலும் சாதிக்க ஆழமான அறிவு பெற்றிருக்க வேண்டியது அடிப்படை விஷயம். இன்றைய இந்திய மென்பொருள் மற்றும் தொழில் நுட்பச்சூழலை எடுத்துக் கொள்ளுங்கள், ஒரு பத்து வருடம் அனுபவமிக்க மென்பொறியாளரை காண்பியுங்கள் பார்ப்போம். ஒருவரும் கிடைக்க மாட்டார். ஐந்து வருடம் ஆனவுடனே மேலாளர் பதவிக்கு ஆசைப் படவும், மற்றவரை கட்டி மேய்க்க வேண்டிய பணியையும் விரும்புகின்றனர்.
மென்பொருள் சேவை நிறுவனங்களின் மனிதவள மேம்பாட்டுத்துறையின் பெரும் தலைவலி நிரந்தரமான காலியிடங்கள்.

இந்திய மென்பொருள் துறை ஒரு சேவை சார்ந்த துறையாய் இருப்பதால், இதில் நம்மவர்கள் மேலோங்கி நிற்பதற்கு செயல் முறை (process) திறமை அதிக அளவில் தேவைப்படுகிறது. அதாவது மென்பொருள் பொறியியலில் (இது மென்பொருள் நுட்ப அறிவியல் அல்ல) மிக அதிக அளவில் ஆட்களின் தேவை இருக்கிறது. இன்று வளர்ச்சி பெருகும் எந்தத் துறையை எடுத்துக் கொண்டாலும் இதே நிலைமை தான். ஒரு ICICI வங்கியின் கிளையிலிருக்கும் மேலாளரையும், SBI வங்கி மேலாளரையும் ஒப்பு நோக்குங்கள், நான் சொல்ல வருவது புரியும்.

எந்த துறையிலும் நாம் நிலைத்து நிற்பதற்கு நமக்கு முதலில் நுட்பம் மற்றும துறை சார்ந்த அறிவில் முன்னேற்றம் இல்லையெனில் அதில் விழப்போவது உறுதி. இதை உணராமல் இன்று பலர் இரண்டு வருடத்திற்கு ஒரு பதவி உயர்வு, அதிக வருமானம், அலுவலகம் என்று மாறுவதைக் காணும் போது போகும் பாதை சரிதானா என்று யோசிக்க வைக்கிறது. முதலில் கைவசத்திறமை, பின்பு பலன்கள் என்றில்லாமல் முதலில் பலன் பின்பு மற்றவை அதற்காக தன் சுயமுன்னேற்றம், நுட்ப அறிவு, போராடி சாதிக்க வேண்டிய ஆற்றல் என்று எதையும் தியாகம் செய்யும் மனப்பான்மை அதிர வைக்கிறது. அதிக பணம், சொகுசான வாழ்வென்பது அனைவரின் கனவாக இருப்பதில் எந்த தவறும இல்லை. ஆனால் அதை இயக்குவது நம் சொந்த திறமையாக இருக்கவேண்டுமே அன்றி, peer pressureஆக இருக்கக்கூடாது. நிறுவனங்களும் ஒருவகையில் இதற்கு காரணம். பெறும் நிறுவனங்கள் தங்கள் வணிகத்தை தக்கவைக்க சமரசங்களை செய்ய முனையும் போது தனி நபர்களின் பேராசையை பயன்படுத்திக்கொள்கின்றன.

அடுத்த கட்டத்தில் நுழையும் வணிகத்தை முன்னேற்ற, அடுத்த 5-10 ஆண்டுகளில் இத்துறைகள் பெரும் மாற்றத்தை(அது மேல்நோக்கியோ,கீழ்நோக்கியோ) காணும், அப்போது அந்த நேரத்தில் காசுக்கு நிரலடிக்கும், தரக்கட்டுபாடு செய்யும் மேலாளர்களை விட துறை சார்ந்த ஞானமும், அனுபவமும் உள்ளவர்கள், பெரிய அளவில் தேவைப்படுவர். அப்போது இதே நிறுவனங்கள் இந்த மாதிரி நுனிப்புல் மேய்பவர்களை கூண்டோடு வீட்டுக்கு அனுப்பவும் தயங்கமாட்டார்கள் என்பதை நினைவில் கொள்வது நலம்.

இப்போது இதைப்பற்றிய விழிப்புணர்வு நிறுவன அளவில் இருந்தாலும் தனி நபர் அளவில் வரவில்லை. நாம் கடந்த இருபத்தைந்து வருடங்களில் சாதித்திருக்க வேண்டியது இன்னும் அதிகம். இங்கே பாருங்கள் நாம் சாதிக்கும் வேகத்தை. சராசரியாக 10 லட்சம் மக்களுக்கு 7 காப்புரிமை கோரப்படுகிறது. தொழில்நுட்ப அளவில் நாம் எந்த அளவில் பின்தங்கி இருக்கிறோம் என்பதை இது காட்டுகிறது. இந்த ஆமை வேகத்தால் நாம் இன்னும் இன்னும் அடுத்த நாட்டு தொழில்நுட்பத்திற்கு காசு கொடுக்கவேண்டிய கட்டாயத்திற்கு தள்ளப்பட்டுக்கொண்டிருக்கிறோம்.

வெளிநாட்டு தொழில்நுட்ப நிறுவனங்கள் முதலில் சேவைக்காக outsourcing செய்து வந்தார்கள். பின்பு அந்த நிறுவனங்கள் தாங்களே கடையை விரித்தாலும் சிறு நிறவனங்களால் நிலைக்க முடியவில்லை. காரணம் அதிக சம்பளம் மற்றும் கவலைக்குறிய நமது உள்கட்டமைப்பகள். இதை பற்றிய ஆய்வறிக்கையை இங்கு காணுங்கள். இதன் கருப்பொருள் இந்த வரியில அடங்கி இருக்கிறது 'numerous other studies, has clearly pointed to an imminent paucity of talent and infrastructure over the next five years.'

பல வருடங்கள் ஒரே நிறுவனத்தில் பணிபுரிந்தால் அது தன் வெளிபிம்பத்திற்கு இழுக்கு என நினைப்போர் பலர். அலுவலக வாழ்க்கை மேற்கொள்வோர் மட்டுமன்றி பிற்காலத்தில் சுயதொழில் முனைவோருக்கும் அலுவலகம் ஒரு சிறு உலகம். அதிலுள்ள சட்டதிட்டங்கள், உருவாகிய விதம், வளர்ச்சியை, வீழ்ச்சியை சமாளிக்கும் திறன், தனித்தன்மையைக் கட்டிக்காக்கும் விதம், பண்பாடு, மேலாண்மையின் நோக்கம், வழிமுறை, தொலைநோக்கு, அடிநாதமாக இருக்கும் பண்புகள் என ஏகப்பட்ட விஷயங்களை புரிந்துணர முயலுவது சிறப்பு. அதே போல் நாம் பணிபுரியும் சேவைத்தளத்திலும் இயங்கும் கட்டமைப்பு, பின்னணியில் உள்ள வணிக விஷயங்கள், துறை சேர்ந்த தொலைநோக்கு, விஷய ஞானம் என ஒரு துறையில் குறைந்தது பத்து வருட அனுபவமில்லாமல், இரண்டு மூன்று பொருளாதார சுழற்சியை பார்க்காமல் ஒரு Delivery manager, Business manager என்று இன்றைய சேவை நிறுவனங்களில் பதவி அளிப்பதெல்லாம் " 21 நாளில் ஜாவா" படித்தவனை ஜாவா புலி என்று கூறுவதை போலத்தான் இருக்கிறது

மாண்புமிகு முதல்வருக்கு ஓர் கோரிக்கை மடல்

2007-06-02T15:03:00.001-04:00

மாண்புமிகு முதல்வர் அவர்களுக்கு,

பிறந்த நாள் வாழ்த்துக்கள்!! தங்கள் பிறந்த நாளுக்கு பலர் வாழ்த்துக்களை தெரிவித்திருப்பார்கள். நான் வாழ்த்துக்களுடன் ஒரு சில கோரிக்கைகளையும் தங்கள் முன் வைக்கவிழைகிறேன். தமிழ் கூறும் நல்லுலகம், நடுவண் அரசிடம் போராடி தமிழை செம்மொழி ஆக்கியமைக்காக உங்களை என்றென்றும் வாழ்வாங்கு வாழ்த்தும்.

மற்ற மொழிகளுடன் ஒப்பிடுகையில் தமிழ், இணையத்தில் ஓரளவு வளர்ந்தே வருகிறது. மொழி சீர்திருத்தம் கொண்டு வந்து சென்ற நூற்றாண்டில் தமிழ் வளர வாயப்பு கிடைத்தது. இன்று நாம் அடுத்த கட்ட சீர்திருத்தமும் தனித்தமிழ் வளர்ச்சியும் தூண்டவேண்டிய நிலையில் இருக்கிறோம். தமிழ் பெரும் தேக்க நிலை பெற்று இருக்கிறது.

இணையத்திலும் அறிவியலிலும் அதே வேகத்திற்கு மொழி ஈடுகொடுக்க வேண்டிய சூழ்நிலையில் இருக்கிறது. அவ்வாறு இல்லாத மொழிகள் ஆங்கில ஆதிக்கத்தால் அழியும் நிலைக்கு தள்ளப்படும் என்பதை நான் சொல்லி நீங்கள் அறிய வேண்டியதில்லை. இதை நிர்வாக ரீதியில் அணுகுதற்கான வழிமுறையோ, செயல்முறையோ அல்லது அதிலுள்ள சிக்கல்களையோ அறியும் அளவிற்கு எனக்கு வயதுமில்லை அனுபவமும் இல்லை. கொச்சையான நேரிடையான மொழியில் சொல்லி விடுகிறேன். இதோ எனது கோரிக்கைகள்;

1. தமிழ் இணைய பல்கலைக்கழகமென்னும் தங்கச்சுரங்கம் ஒன்று தேவையில்லா அலங்காரங்களோடு கீழ்நிலை வடிவமைப்புகளோடு உள்ளது. இதை தொழில் நுட்ப ஆர்வலர் கொண்டு செப்பனிட வேண்டும்.

2. இதை முழுமையாக ஒருங்குறியில் மாற்றினால் பல்துறை தேடலுக்கும் பெருமளவில் பயன்படும். தமிழ் வார்த்தைகள் கிடைக்காமல் தேடும் பலரும் இதனால் பயன்பெறுவர்.

3. இதே பல்கலை கழகத்தில் 100 ரூபாய்க்கு 1-6 வகுப்புவரை பாடங்களுக்கான குறுந்தகடு விற்கிறது. எவ்வளவோ விஷயத்திற்கு மானியம் வழங்கும் அரசு இதையும் இலவசமாக தரவிறக்க வழி தர வேண்டும்.

4. தமிழ்ப்படுத்தும் ஆர்வலர் பலரும் சிறு சிறு குழுக்களாக ஆங்காங்கே சிதறிக் கிடக்கிறார்கள். ஒரு கட்டமைக்கப்பட்ட நிர்வாக வழிமுறையில்லாமல் தமிழ்ப்படுத்திக் கொண்டிருக்கிறார்கள்.
ஏற்கனவே தமிழ்ப்படுத்தபட்டுள்ளதா என்பதை அறிவதற்கு கூட வழி இல்லை. சொற்பரிந்துறைகளை இற்றைப்படுத்துவதற்கும் அதற்கான வழிமுறைகளையும் உருவாக்கி இதே இணையப்பல்கலைகழகத்தின் வாசலை திறந்து வைக்க வேண்டுகிறேன்.

5. இணைய பரப்பில் தன் கைக்காசையும் நேரத்தையும் போட்டு தமிழ் வளர்க்கும் மென்பொறியாளர்களுக்கும், சாதித்திருக்கும் நிறுவனங்களுக்கும் ஆண்டுதோறும் பரிசுகள் வழங்க வேண்டும். இவர்களுக்கு தேவை தமிழக அரசின் ஆதரவு மட்டுமே.

6. ஒருங்குறிக்கு திறந்த ஆதரவைக் கொடுத்து ஒருங்குறி அடிப்படை தளங்களுக்கு தமிழக அரசாங்கத்தின் தரச்சான்று கொடுக்கலாம். இதன் மூலம் இன்று தற்குறியாகத்திரியும் பல தமிழ் பத்திரிகைகளையும் ஒருங்குறிக்கு மாற்ற முடியும்.

7. வெளிநாட்டில் வாழும் தமிழர்களுக்கு மட்டுமல்ல வெளிமாநிலங்களில் வாழும் தமிழர்களும் தங்கள் பிள்ளைகளும் தமிழ் கற்கும் ஆர்வமிருப்பது ஆச்சரியமில்லை. ஆனால் அதற்கான
எளிதான வழிமுறைகளோ அடுக்கு முறையில் பரீட்சைகளோ இல்லை. இந்தி பிரச்சார சபா நடத்தும் தனிப்பட்ட மொழி கற்றுத் தேறும் வகையில் தனிப்பட்ட பரீட்சைகளை உருவாக்கி
கற்றுத் தர வழிவகை செய்ய வேண்டும். இதை இணைய வழி செய்வது சுலபம் மற்றுமல்ல இலவசமாகவே கொடுக்க முடியும்.

8. நமது அண்டை நாடுகளிலும் தமிழ் புழக்கம் இருப்பதால் நாடு தாண்டி தமிழ் வளர்ச்சிக்கான கூட்டு முயற்சிகளில் நாம் எந்த அளவுகளில் ஈடுபடுகிறோம் என்று தெரியவில்லை.
இதிலெல்லாம் தமிழக அரசு தமிழ் வளர்ச்சி துறையின் முனைப்பும் வழிகாட்டுதலும் இருக்கவேண்டும்.

9. அறிவியல் தமிழில் அனைத்து பல்கலைகழங்களின் பங்களிப்பும் இருத்தல் அவசியமாக்க வேண்டும். இதை இணையத்தில் திறந்த முறையில் செயல்படுத்துவது அவசியம். தமிழில் புது முயற்சி செய்யும் மாணவர்களுக்கும் அவர்களின் செயற்றிட்டங்களுக்கும்(project) கூடுதல் மதிப்பெண் கொடுத்து ஊக்குவிக்கலாம்.

மேற்கூறிய அனைத்தும் நான் அவதானித்தை வரை எனக்கு தோன்றிய கோரிக்கைகள் மட்டுமே. இதன் பின் ஒப்பமிடும் பதிவர்களின் கோரிக்கைகளையும் கவனத்தில் கொண்டு ஆவனசெய்யுமாறு வேண்டுகிறேன்.

பணிவன்புடன்
சத்தியா.

இளவேனிற் காலம்

2007-05-18T21:00:00.001-04:00

Canon S3 IS.

கருணாநிதி குடும்ப மரம்

2007-05-14T16:46:00.000-04:00

காலையிலிருந்து ஏகப்பட்ட அரசியல்(அலர்ஜி) பதிவுகளை படித்ததில் ஒரே குழப்பம். கருணாநிதியின் நாலாவது மகன் யாரு. யாருக்கு யார் சொந்தம் அப்படின்னு. அதோட முடிவுதான் இது.

(வெர்ஷன் - 5)

ஏதாவது தவறாக இருந்தால் தெரிவிக்கவும்.

கறுப்பு கூகிளும் சுற்றுச்சூழலும்

2007-05-12T22:46:00.001-04:00

பொதுவாகவே வலையில் மிக அதிகமாக பார்வையிடப்படும் வலையகங்களை பார்த்தால் அதன் வார்ப்புரு மிக எளிமையாக, வெண்மையான பின்ணணியில் இருக்கும். இதே வெண்மை பின்னணிதான் நாம் உபயோகிக்கும் பல மென்பொருட்களிலும், மென்பொருள் உருவாக்குதளங்களிலும் காணக்கிடைக்கிறது. அச்சடித்த காகித பழக்கத்தின் நீட்சியே இவ்வாறு நமக்கு பழகிப்போனதாக கருதவேண்டியிருக்கிறது.

கணிணிதிரையை பொருத்தவரை ஒவ்வொரு வண்ணத்திற்கும் ஒரு அளவு மின்சாரம் செலவழிவதாக இங்கு தெரிவிக்கிறார்கள்.
இதையே இன்னும் கொஞ்சம் நீட்டி ஓரு நாளைக்கு பல கோடி பார்வைகளை பெறும் கூகிளை கறுப்பு வண்ணத்தில் மாற்றினால் ஒரு வருடத்திற்கு 750 மெகாவாட் மின்சாரத்தை சேமிக்கமுடியும் என்கிறார்கள் Blackle எனும் தளத்தை உருவாக்கி இருப்போர். இந்த எண்ண உருவாக்கத்திற்கு அவர்களுக்கு தூண்டுகோலாக அவர்கள் சுட்டுவது ஒரு பதிவை என்பது ஆச்சரியமாக இல்லை.

கண்ணை உருத்துமோ எனும் பயமிருந்தால் அலுவலகத்தில் முக்கால்வாசி கறுவண்ண பின்னணியை உபயோகிப்போன் என்ற அளவில் என்னைக்கேட்டால் கட்டாயம் உருத்தாது. உண்மையில் பல மணிநேரம் தொடர்ந்து வேலை செய்யும்போது ஏற்படும் கண்ணயர்ச்சியை ஏற்படுத்தாது.

இன்பத்தேன் வந்து..

2007-05-11T10:50:00.000-04:00

சபாஷ்.. சரியான போட்டி!!!

2007-05-03T09:14:00.000-04:00

முதலில்...

அடுத்து....

:-)

என்றும் பதினாறு - 1

2007-05-01T08:56:00.000-04:00

கணிப்பொறியின் அடிப்படை தெரிந்த எல்லோருக்கும் தெரிந்த விடயம் கணிப்பொறி ஒரு முட்டாள் பெட்டி அதற்கு தெரிந்ததெல்லாம் ஒன்றும் சுழியும் மட்டுமே என்று. ஆனால் பைனரி எனப்படும் இரும எண்ணில் கட்டளைகளை இடுவது நமக்கு மிகவும் கடினமானதும் மிக நீண்ட நிரல்களையும் உருவாக்க வேண்டியதுமாகிறது. இது மிகவும் பின்தங்கிய சில கணிணினுகளுக்கு மட்டுமே பொருந்தும். இன்று நாம் பல கருவிகளிலும் பயன்படுத்துவது Hex எனப்படும் 16ஐ அடிப்படையாக கொண்டியங்கும் கணிணித் தத்துவமே.

அதென்ன 16ன் அடிப்படை. அதற்கு முன் ஒரு குறுவரலாறு. நாம் உபயோகப்படுத்தும் எல்லா எண்களும் 10ஐ அடிப்படையாக கொண்டவை. நம் கைவிரல்கள் பத்து அதுவே நமது கணிதத்திற்கு இயற்கையான அடிப்படையாக அமைந்துவிட்டது. அதே போல் 8ஐ அடிப்படையாக கொண்ட octal முறையும் உபயோகத்தில் ஆதி காலத்தில் இருந்திருக்கிறது. எட்டு என்ற எண்ணிற்கு அவர்கள் கொண்ட அடிப்படையும் விரலகள் தான் சரியாகசொல்வதானால் விரல்கள் அல்ல விரலிடுக்குகள். இதே போல் 12 மற்றும் 60 ஆகிய அடிப்படைகளும் இருந்திருக்கறது. இதுவே இன்றும் நாம் பயன்படுத்தும் மணிக்கணக்கில் உபயோகப்படுகிறது.

எண் கணிதம், இடத்தை அடிப்படையாக கொண்டது. ஒரு எண் இருக்கும் இடத்தை பொறுத்து அதன் பெருக்கும் அளவு அமைகிறது. ஒன்று, பத்து, நூறு என்று எண்கள் இடத்தை கொண்டு அளவிடப்படுகிறது. அதனால்தான் 9க்கு அடுத்து 2 இலக்கத்திற்கு தாவுகிறோம். மொத்ததில் எண்களெல்லாம் 0-9 முடிய உள்ள 10 எண்களே. 16ன் அடிப்படை என்றால் எண்கள் 0-15 வரையும் அதன் பின்பு 2 இலக்கங்கள் தொடங்கும். அதாவது பதினாறின் மடங்காக இரண்டாவது இலக்கத்திற்கு போகும் போது, ஒரு பதினாறு முடிந்துவிட்டது என்றும் மூன்றாவது இலக்கத்திற்கு போகும் போது, 256 முடிந்துவிட்டது என்றும் பொருள் படும். அதற்கு முன் முதலில் இந்த 10ல் இருந்து 15 வரையுள்ள எண்களை எவ்வாறு உப்யோகிப்பது? அது பத்தை அடிப்படையாக கொண்டு 2 இலக்கம் வருகிறதல்லவா? அதனால் கணினியின் பிதாமகர்கள் ஒரு குறுக்கு வழி கண்டனர். இந்த 6 எண்களும் a, b, c, d, e, f என்று குறிக்கப்படுகிறது. அதாவது, 1,2,3,4,5..9,a,b,c,d,e,f,10,11,12..19,1a,1b,1c,1d,1e,1f,20... என்று நீளும்.

இந்த மாதிரி காஞ்சுபோன விடயமெல்லாம் வேண்டாம். இத்துறையில் பணி புரிவோரின் சின்ன சின்ன கேளிக்கைகளில் கூட இந்த hexadecimal இடம் பெறும். என் அலுவலக்கத்தில் இருப்போர் அடிக்கும் ஜோக். How is your hex life? பதிலாக வருவது "டெட்பீஃப்".
அது என்ன டெட்பீஃப்? ஏன் பதினாறு? சரி இதெல்லாம் வைத்து என்ன செய்கிறார்கள்? அது அடுத்த பதிவில்...

மறுஉருவாக்கம்

2007-04-30T18:49:00.001-04:00

உருவாக்கம்

மறுஉருவாக்கம்

இரண்டும் அருமை!!!

இணைய வானொலி முடிவுக்கு வருமா?

2007-04-26T10:39:00.001-04:00

ஆம். இணையத்தில் வானொலி கேட்கும் பலருக்கும் இது கொஞ்சம் அதிர்ச்சியான செய்தி. வாஷிங்டனில் இருந்து இயங்கும் காப்புரிமைக் கழகம் வானொலி வலைத்தளங்களுக்கான கட்டணத்தை 3 மடங்காக்கி இருக்கிறது. அதுவும் சும்மா இல்லை இது போன வருடம் (2006 ஜனவரி 1ல்) இருந்து பாக்கி சேர்த்து இந்த வருடம் மே 15ல் இருந்து அமலுக்கு வருகிறது. இதனால் பல தளங்கள் திவாலாகும் அல்லது வானொலி சேவைகள் முடிவுக்கு வரும என செய்தித் தளங்களும் வானொலி சேவை தரும் தளங்களும் தெரிவிக்கின்றன.
மேலதிக தகவல்களுக்கு
http://www.savenetradio.org/
http://www.kurthanson.com/archive/news/041607/index.shtml
http://www.shoutcast.com/

எத்தனை கோடி அழகை வைத்தாய் இறைவா...

2007-04-18T15:38:00.000-04:00

ஏதோ 4,5 விடயங்கள்சொல்லிக் கொடுத்ததற்காக ஞாபகம் வைத்து என்னையும் அழைத்தற்கு நன்றி அன்புத்தோழி!! அழகென்றால் எனக்கு உடற்கூறு அல்லது தோற்றம் தாண்டி மனதிற்கு இதமளிக்க கூடிய எதுவுமே அழகுதான். நம் ரசனையில் தான் இருப்பது அழகு. இவ்வுலகமே அழகுமயமானதுதான். சரி 6 மட்டும் சொல்லவேண்டுமென்பதால்...

மலை:
எல்லோரும் கடற்பெருமை பேசுகின்றனர். எனக்கென்னவோ மலை நிரம்பப் பிடிக்கும். கொல்லி மலை, ஜவ்வாது மலை, ஊட்டி, குற்றாலம், பாபநாசம் னு.. நம்ம ஊரு மலை தவிர இங்கே வெள்ளயங்கிரி(white mountainக்கு தமிழ்ல என்ன:-)) போய் இருக்கேன். மலையோட கம்பீர அழக ரசிக்கணும்னா நீங்க ஒரு பிரயாணத்துல ஜன்னலோரம் உக்காந்து பார்த்தால் தான் தெரியும்..

வானம்:
எல்லாரும் நிலவ ரசிப்பாங்க.. ஆனா எனக்கு நிலவையும் தாண்டி வானத்தோட அழகு தான் ரொம்ப பிடிக்கும். வானமும் நம்ம மனசு மாதிரி தான். அதில அலைபாயும் மேகங்கள் மாதிரி நினைவுகள் வந்து கிட்டே இருக்கும். வானத்துக்கும் முடிவு ஆரம்பம் எல்லாம் கிடையாது நம்ம மனசு மாதிரியே. வானமும் நம்ம கூடவே வரும்.. இதோட நிறுத்திக்கிறேன்.. ( ஒரு தனி பதிவே போடணும்... நான் வானத்த பத்தி எழுதணும்னா..)..

முருகன்: அதென்னவோ நினைவு தெரிஞ்ச நாள்லேந்து முருகனை எங்கு பார்த்தாலும் பக்தியையும் தாண்டி அவன் வடிவழகில் மனம் லயித்துவிடும். அது நம்ம VSK அய்யா பதி்வில் வரும் படமா இருந்தாலும் சரி அந்த கடற்கரையாண்டி ஆனாலும் சரி. திருப்பரங்குன்றம் முருகனை பாத்திருங்கீங்களா!!. முருகன் அல்லது அழகு... சும்மாவா சொன்னாங்க.

பனி: நம்ம மார்கழி மாச குளிர் பிச்சை வாங்கற வடமேற்கு அமரிக்காவின் கடும் பனியானுலும், பனி அப்பிடின்னாலே ஒரு அழகு இருக்கிறது. ஊருக்கே வெள்ளை அடிச்சு விட்டாமாதிரி ஏதோ சட்னு காலண்டார் படத்துல/screensaverல நுழஞ்சிட்டா உண்ர்வு வரும் பனிக்காலத்துல.. பிஞ்சு பிஞ்சு தேங்கா துருவல் மாதிரி முகத்தில விழற பனிய ஒரு கண்ணாடி ஜன்னல் வழியா பார்த்துகிட்டே இருக்கலாம்.

குழந்தையின் பொக்கைவாய் சிரிப்பு... இதை விளக்க என் எழுத்தழகு போதாது..

பெண்: வாழ்க்கையில் சந்திக்ககூடிய எல்லா பெண்களும் அழகாகவே மனதில் பதிகிறார்கள்.. "அய்யா, ஊர்லேந்து வந்திருக்கே இன்னைக்காவது நேரத்துக்கு சாப்பிடக்கூடாதா" எனக்கேட்கும் தாய் தான் நேரத்திற்கு சாப்பிடுவதில்லை என்பதை மறந்துவிடுகிறாள்.. "மேல இருக்குற தோசய பொட்டுக்கோ கீழ இருக்கறது எனக்கு " எனும் மனையாள், அவள் பார்க்காத போது(குறுக்குபுத்தி:-)) அடியில் என்ன அப்படி இருக்கு என்று பார்த்தால் தீய்ந்து போனது பார்த்து சிரிக்கிறது.. இப்படி சொல்லிக்கொண்டே போகலாம் அக்கா, தங்கை, சினேகிதி, சித்தி, பெரியம்மா, பாட்டி, அத்தை என்று மனதை வாஞ்சை செய்த தருணங்களை...
சமூகத்தில் எவ்வளவு தூரம் இழிவுசெய்யப்பட்டாலும் அவமான படுத்தபட்டாலும் சகிக்க கூடிய இரும்பு மனம் படைத்தவள் எப்படி அறிந்தமாத்திரத்தில் யாரோ ஒருவருக்கு எப்போதோ ஏற்பட்ட துயரத்துக்காக சட்டென்று மனம் வாடி விடுகிறாள்.. இப்படி தியாகமாகவே வாழும் பெண்களை விட அழகை எங்கே காணமுடியும்..

பரபரப்பு தகவல்: இங்கிலாந்து ராணி இந்தியாவிடம் மன்னிப்பு!!

2007-03-28T16:07:00.000-04:00

இங்கிலாந்து ராணி இந்தியாவிடம் பிரிவினைக்காக இந்தியாவிடம் மன்னிப்பு கேட்கிறார். இதை பிரிடிஷ் பிரதமர் இன்று பிரிடிஷ் நாடளுமன்றத்தில் அறிவித்தார். அந்தச் செய்தி பின்வருமாறு.
1947ல் விடுதலை சுதந்திரம் கொடுக்கும் போது தவறு விளைந்துவிட்டது. இதன் விளைவாக இந்தியா மற்றும் பாகிஸ்தான் என்று இரண்டு நாடுகள் உருவாகி இன்று அது பல பிரச்சினைகளுக்கு ஆதாரமான விஷயமாகி விட்டது. பல்வேறு தரப்பிலிருந்தும் இன்று அடிவாங்கிக் கொண்டிருக்கும் கிரிக்கெட் வீரர்கள் முதல் தேர்தலே இல்லாமல் ராஜாவாக இருக்கும் முஷாராஃப் வரை பல பிரச்சினைகளுக்கும் இதுவே ஒரு பலத்த காரணமாக இருக்கிறது. ஒரு வேளை பிரிவினை நடக்காமல் இருந்திருந்தால், பாகிஸ்தான் என்ற ஒரு நாடு இருந்திருக்காது. பின்பு இந்தியாவின் தயவில் பங்களாதேஷ் என்ற ஒரு நாடு உருவாகி உலககோப்பையில் போட்டு சாத்தி இருக்காது. பாகிஸ்தான் இல்லாமல் எப்படி அயர்லாந்து அதை வெற்றி பெறும், அதனால் பாவம் உல்மர் மரணம் சர்ச்சை வேறு உருவாகி இருக்காது. ஆகையால் இப்படி பல பிரச்சனைகளுக்கும் காரணமான பிரிவினை இங்கிலந்து அரசின் முட்டாள்தனத்தால் வந்தது. அதற்காக இங்கிலாந்து மக்களின் சார்பில் இந்தியாவிடம் மன்னிப்பு கேட்கிறேன்.இவ்வாறு இங்கிலாந்து ராணி எலிசபத் அறிவித்திருப்பதாக இங்கிலாந்து நாடளுமன்றத்தில் பிரிடிஷ் பிரதமர் இன்று அறிவித்தார்

சிவாஜி

2007-03-22T18:06:00.000-04:00

ஓரே வார்த்தைல சொன்னா 'சகிக்கலை'!!!.

தேன்கூட்டுக்கு என்ன ஆச்சு?

2007-03-09T10:44:00.001-05:00

தேன்கூட்டில் பதிவு செய்து ஒரு மாதத்திற்க்கு மேலாகிறது. ஒரு எதிர்வினையையும் காணோம். Pending approval அப்பிடின்னே சொல்லிக்கிட்டு இருக்கு. மின்னஞ்சல் எல்லாம் அனுப்பி பாத்தாச்சு. ஒண்ணும் பிரயோஜனம் இல்லை. நம்ம feedல தான் பிரச்சனை அப்பிடின்னு ஆதம் ஓடைக்கு மாறிட்டேன். தமிழ்மணத்துக்கும் RSS பிடிக்கலை. feedvalidator.org ஆதம் பக்கவா இருக்குன்னு சொல்லுது. என்னோட வலைப்பூவுல பிரச்சனையா இல்லை தேன்கூட்ல பிரச்சனையா? யாராவது விவரம் தெரிஞ்சவங்க சொன்னா நல்லா இருக்கும்.

2007 வந்த பார்க்கவேண்டிய படங்கள் யாவை?

2007-03-07T16:51:00.000-05:00

எனக்கும் படங்களுக்கும் ரொம்ப தூரம். ஆடிக்கு ஒண்ணு அம்மாவாசைக்கு ஒண்ணுனு மொத்தம் இரண்டு படம் பார்த்த
வருடங்கள் எல்லாம் உண்டு. காரணங்கள் பல உண்டு. அதை வேறொரு பதிவில் பார்க்கலாம். நான் கேட்க வந்த
விஷயம் வேறு. இந்த வருடம் வந்த தமிழ் படங்களில் பார்க்க வேண்டிய படம் என்று நீங்கள் நினைக்கும்
படத்தை பற்றி இங்கு பின்னூட்டமிடவும். ஒரு 2 வரி அந்த படத்தை பற்றி போட்டால் மிக்க நலம். காமடி கீமடி பண்ணக்கூடாது. கட்டாயமாக வீராசாமி not allowed. இந்த பதிவை படித்தபிறகு மொழி ஏற்கனவே என் கணக்கில் உள்ளது.

பின்னூட்டமிடும் பதிவர்களுக்கு என் நன்றிகள்.

புதுப்பதிவர் அறிய வேண்டிய மற்றும் ஒர் முக்கிய விஷயம்!!

2007-03-02T15:25:00.000-05:00

நான் சின்ன வயசுல சென்னைக்கு வந்த புதுசுல மக்கள் வேற எதோ பாஷை பேசறாங்கன்னு நெனச்சுப்பேன். கொஞ்ச காலம் பொன அப்புறம்மாதான் தெரிஞ்சுது அவங்க தமிழ்ல தான் பேசறாங்க ஆனா நமக்கு தான் தமிழறிவு கம்மினு. பின்ன பெங்களுர் வந்த புதுசுல தமிழ்ல பேசற மக்கள பாத்து சந்தோஷப்பட்டேன். பாத்தா, 'ஆமாவா' ஸ்டைல் தமிழ் கேட்டு இன்னும் நிறைய தெரிய வேண்டி இருக்குன்னு இருந்தேன். அப்பிடியே கொஞ்சம் இணையம் பக்கம் வந்தா, மறுமொழி மட்டுறுத்தல், பாகச, பொகசனு கொசகொசன்னு ஒண்ணுமே விளங்கலே. புதுப்பதிவனான எனக்கு மக்கள் என்னமோ சொல்றாங்க ஆனா என்னனு தான் புரியலன்னு காலத்த ஓட்டிக்கிட்டு இருந்தேன். அறிவுக்கண்ண திறக்கற மாதிரி ரவிசங்கர் ஒரு பதிவ போட்டு இருக்கார். நீங்களூம் என்ன மாதிரி fresherனா கட்டாயமா போய் பாருங்க. இங்கயும பார்க்கலாம்.

வணக்கம் தமிழ்மண பதிவர்களே

2007-03-01T07:40:00.000-05:00

வணக்கம் தமிழ்மண பதிவர்களே(test)

உலகம் அழிந்துவிட்டால்

2007-02-26T15:32:00.000-05:00

நாளை உலகம் அழிந்துவிட்டால் நாம் இன்று கண்டுபிடித்திருக்கும் பல விடயங்கள் அழிந்துவிடும். அறிவியலார் டைனசர் காலத்தில் ஒரு கோள் விழுந்து உயிரினங்கள் அழிந்துவிடடதாக கூறுகின்றனர். நாளை உலகம் அந்த மாதிரி அழிந்துவிட்டால் எஞ்சப் போவது என்ன? நாம் கட்டிய உயர்ந்த கட்டிடங்களும் மிஞ்சும் சில கிறுக்கல்களும் தான். யாருக்கு தெரியும் காதலன் காதலி பெயரை கிறுக்கி இருக்கும் பாறைகள் மிஞ்சினால் உண்டு. கொஞ்சம் சிந்தித்தால் நாம் அறிவால் உணர்ந்த விடயங்கள அடுத்து வரும் மனிதர்கள்(அவர்களும் மனிதனைப்பொன்ற ஒரு உயிரினம்)
நம்மை பற்றி என்ன அளவிடுவார்கள். இன்னும் கொஞ்சம் இந்த சிந்தனையை நீட்டினால்
ஏன் நாம் கூட நம் மூதாதையரின்(அப்படி அழிந்து போயிருந்தால்) அறிவை பற்றி நாம் ஏன் தவறான ஒரு கண்ணோடத்தை பெற்று இருக்க கூடாது?

தமிழனின் வரலாறு

2007-02-25T13:31:00.000-05:00

பாரதி தற்கொலை செய்துகொண்டாரா? என்ற இந்த பதிவை கண்டதும், எனக்கு மிகவும் பிடித்த கவிஞனை பற்றியே எனக்கு எதுவும் தெரியவில்லை என்ற சுயகோபம் எழுந்தது. இதுவே எனக்கு பாடபுத்தகத்திலும் படித்த நினைவு. கொஞ்சம் தேட மெனக்கெட்டால் ஒரு குழப்பமான பதிலே எல்லா இடத்திலும் கிடைத்தது. தமிழில் ஒரு உயர்ந்த இடத்தை பிடித்த பாரதிக்கே இந்த நிலைமை. நமக்கு வரலாறு பற்றிய ஒரு சுயபிரஞ்ஞை இல்லாமல் இருப்பதால் பல விடயங்களை இழந்துவிட்டோம். ஒரு நூறு ஆண்டுகட்கு முன்பு நடந்த ஒரு வரலாறே நம்மிடம் இல்லை எனும் போது மிகவும் வெட்ககேடாக இருக்கிறது.

பகுத்தறிவுக்கு ஜே!!

2007-01-21T12:03:00.000-05:00

என்னே பகுத்தறிவு!! வாழைமட்டை தமிழனுக்கு இந்த பகுத்தறிவு எப்போது வரும்..
தினமலருக்கு நன்றி..

How to Post in Tamizh? தமிழில் பதிவு செய்வதெப்படி?

2007-01-15T22:18:00.000-05:00

I will try to post the simplest way of posting and typing in emails in tamizh.

1. Check whether you have Windows XP Service Pack 2.
If not atleast you should have Indic Fonts installed.

Open Regional and Language Options in Control Panel.
On the Languages tab, under Supplemental language support, select the Install
files for complex script and right-to-left languages check box.
(You may need CD or network where you have files)
Click OK or Apply.
After the files are installed, you must restart your computer.
2. Install Barahapad from Baraha
I have used Murasu, Tavaultesoft's Keyman and dozens of other editors. I found Baraha to be simple and doesnt give much trouble. Keyman is the second best.
3. While Installing Baraha set it to Tamizh usage

4. Open BarahaPad after installation. Set the Font to BRH Tamil RN. This is useful when you type numerals. The keyboard id phonetic. Meaning you need not worry about the Tamizh Keyboard. type tha-mi-zh will display as தமிழ். sa-th-yaa will display as சத்யா . Very chimble.

5. The help is very useful.

{Riders: This is applicable only to Windows PCs. I have never used a Mac(iMac?. Most of the Linux boxes support(particularly I am a fan of Redhat) Tamizh fonts. No issues totally. Windozzzz..grr... grr.. Windows always catches up late and hence now they are waking up to reality.Stories and prejudices end here.}

Unbelievable Vaiko!!

2006-12-30T20:23:00.000-05:00

எப்படி இதை இதுவரை கேட்காமல் விட்டேன். சமீபத்தில் வைகோவின் விடயம் கேள்விப்பட்டு சங்கொலி படிக்க ஆசைபட்டு சென்ற இடத்தில் இதை பார்க்க நேர்ந்தது.
சில வருடங்களுக்கு முன்பு இளையராஜாவின் திருவாசக வெளீயீட்டு விழா நிகழ்சசி மறு ஒளிபரப்பை பார்த்துக்கொண்டிருக்கும் போது வைகோவின் பேச்சை ஒளிபரப்பவில்லை அப்பொழுது முழு ஒளிபரப்பையும் முன்பே பார்த்துவிட்ட என் அம்மா சொன்னது தான் நினைவுக்கு வருகிறது. "தமிழ் ஒரு நல்ல இலக்கியவாதியை அரசியலில் இழந்துவிட்டது , நீ ஒரு நல்ல சொற்பொழிவை miss பண்ணீட்டே".http://www.vaiko-mdmk.com/sangoli/symphony.php

பல நாட்டு கூட்டாஞ்சோறு

2006-12-21T15:57:00.000-05:00

இன்று அலுவலகத்தில் potluck எனப்படும் கூட்டாஞ்சோறு நடைபெற்றத்து.நான் என் மனைவி கொடுத்தனுப்பிய Vegetable Biriyani கொண்டு சென்றேன். அனைவரும் சாப்பிட்டார்கள். எனக்கு இது வினொதமானதொரு கூட்டாஞ்சோறு. ஏனெனில் இதில் பல நாடுகளில் இருந்து பல விதமான தின்பண்டங்கள் சாப்பிட வாய்த்தது.
What are you wondering? What is the big deal? :-) I am trying to use the BarahaPad and see how it goes. Since I know typing this is little bit of frustrating to type so slowly. So far so good that it is not giving me much Unicode related troubles. So looks like I got a good Tamil Keypad.

Jethmalanikku Jey!!

2006-12-21T10:25:00.000-05:00

Media makes a big fuss out of this Jessica Lal. No body bothers about the murder & domestic violence on Muniyamma or Mary in the nook corners. They need a cute name and a cute figure for blowing up out of proportion. Right from Lalu Prasad Yadav to Jayalalithaa media is the judge on who is culprit and who is not. Even though we have issues with our slow paced Judiciary the fault is mostly on police and not on the person who defends a convict. Good job Jeth malani.

IBN Live Interview

அருமை

2006-12-21T10:20:00.001-05:00

பிரமாதம் யோகி B: link

தமிழ் விசைப்பலகை

2006-12-20T18:17:00.001-05:00

மிகவும் தேடிகொண்டு இருக்கிறேன் ஒரு எளிதான தமிழ் விசைப்பலகையை யாரவது தெரிந்தால் சொல்லுங்கள் உபயோகமாக இருக்கும்!!!

Recent Movies

2006-11-06T11:49:00.000-05:00

Saw two recent movies in Tamizh.
1. Chillunu oru Kaadhal - 50-50 movie. Not a great story line. I could predict most of the sequel. Not many great punching scenes and or sudden or unexpected turn of events. Picturization and other big shots helped the movie

2. Embdan Magan- This movie is good for the old type story line which was very filling. Lots of turn of events and unexpected turns(gopika didn't ditch Bharath but she was also in love etc., ). If you love sentiment, this is the movie for you.

தொடரும் நட்பு

2006-10-16T22:19:00.000-04:00

மீண்டும் அமரிக்கா வந்துள்ளேன். போன வாரம் சனிக்கிழமை வந்தடைந்த நான் கல்லூரி நண்பர் வட்டத்துடன் மீண்டும் தொடர்புகொள்ள ஆரம்பித்துள்ளேன். இன்று அன்பு நண்பர் மெல்வின் பேசினார்.

The greatest Farce

2006-05-03T09:20:00.000-04:00

People don't think. That is quite the problem in TamizhnaaDu today.
Dr. Kalaignar Karunanidhi the great chanakya of DMK has announced that he is going to give 2 acres of land for landless farmers if his party wins.
Let us see some facts. Total agricultural area of TN is 58 Lakhs hectare, which is roughly 116Lakhs acres. After the spat between Jaya and Kalaignar we came to know that Dr. Kalaignar is going to give around 50Lakhs acres of land totally from the arid lands in TN. It will take roughly 4 years to make a plain(note plain, not rocky) arid land to a cultivable land called punsei nilam.And another 10 years to make it a punsei nilam where money crops can be cultivated.
Even for 116 Lakhs acre we are fighting for water with AP, Karnataka and Kerala.
How can we provide water for 50 lac acres?
Where will the water come from?
Where will the people get money, material and resource to make an arid land into a cultivable land? Who will give credit? Govt? Banks?
Govt- Not possible as they have already waived off Cooperative loans. Banks - Definite No for Arid lands and also with RBI tightening rules on NPA definite No.
Who? Who Who?
Illiteracy is bliss for politicians.

Hypocracy is good!!!

2006-02-22T08:24:00.000-05:00

I wanted to write this once the issue settles down so that anyone(who reads this ever) will have a cool head to understand what I am trying to tell.
This issue between Kushboo and the parties is a bigger human behavioral issue, if you really look at it.
At one end people(like Kushboo) talk in practical terms (like pre/post-marital affair is fine) and when others ask
why you are telling this this is not what we see everywhere, then the response comes in the puritan
(as if they don’t have any value system at all) sense asking why cannot I say this, this is my freedom of speech,
aggression on women.

But the response that we get from the so called 'elite class'is fundamentally wrong because you yourself have a value
and when they themselves have some value systems which when questions becomes wrong, there comes the issue.
Like one saying your value system is wrong and mine is right. This is my whole point.

I agree for all the comments people make on freedom of speech.
But we still believe at a normal middle class household level(which is the major demography still), "it" is a “taboo” right.
That is the conditioning we have. The value system we have.

See, we know Smoking is bad (relatively), Drinking is bad.
Like this we also know "this" is bad and you expect you don’t want to join the “few” who do this. Correct?

May be this is the very famous “middle class” mentality.
Any time this is the same trend for centuries now.I am not telling that this has happened now only.
We come to know that Call centers have high rate, colleges/school have high rate of this.
But will you advice, encourage your kids or relatives kids those who join college or a call center
by saying “you have it no problem but be safe” .

The point I am making is, Yes, Bad things happen (again relative to the general value system) and may be lots/few
people are doing it but talking it and opening everything in public in a country like ours is not advisable.
This may be called as hypocritic.

But it is better that these are discussed at different levels and the conclusion should not be “it is okay as long as it is safe”
That is what is bothering me. I will happy to see statement like Subroto Bagchi's comment “you can fornicate at 13 but you have a child at 30
why? Because you need mental maturity” That is sense.
The above statement is not made for this issue ,but for highlighting the readiness for responsibility in corporate ladder,
yet I am hightlighting it for his maturity level in talking such terms

That should be conculsion. “Kid, you will have physical urge but please wait, you will get married,
you have lots of things to concentrate on so many things till then” .

See people do have physical relationship but is it discussed in public?
How you do it when you do it is it discussed in public? why do you hide it?
(France doesn’t do it, US doesn’t do it). Can you sit and watch an intimate scene with your parents?
We have a value system where we differentiate between Father mother, wife, sister, brother etc.,?
Because that is where we differ from Animals and have a good knowledge of what we do.

So if you hold such values then you are a low level human and those who don’t have are intellectuals?
If the same discussion happened within a campus in an University, nothing bad, but if this happens in public people don’t understand this.

In a less educated country like India where the poor/oppressed looks to rich/learned people
if irresponsible statements like these comes from those "role models" then the poor/oppressed is going to think
”oh this is the latest trend” like exactly how we got this culture of "playing cricket/speaking English/foreign is good" mentality from westerners.

That too in a highly populated country like India the later “safer part” of discussion is ignored and only the fancy part is taken.
See how everyone is discussing about pre-marital part and not the safer part whereas that is what people should be actually discussing.

மீண்டும் சென்னை சென்றிருந்தேன்

2006-02-21T08:03:00.000-05:00

அதே வெய்யில்!! அதே திண்டாட்டம்!!
இப்பொதுதான் மழை பெய்து வெள்ளக்காடாக
இருந்த நினைப்பு. நாம் என்ன தான்
சொன்னலும் என்ன பகீரதபிரயத்தின பட்டாலும்
நம்முடைய அதிகாரிகள் மனது வைத்தால்
மட்டுமே சென்னைக்கு விடிவுகாலம்!!

Trying to upload an image

2006-02-14T00:36:00.000-05:00

Trying to upload an Image.

Back again

2005-11-13T02:37:00.000-05:00

மீண்டும் சத்யா

rECIPE

2005-07-13T08:41:00.000-04:00

How to make ultimate Sambar?
The key to make very good Sambar is in the sambar powder that you use.
I have tried to compile the way the Sambar is made in traditional way with home made powder.
So the question boils to how to make nice home-made Sambar powder. Here is my mom's recipe

Enough for 2 people for more than 15 times of making sambar

200 gm Channa Dhal
250 gm Red chilli (if chilli is very hot 100-150 gm is enough)
round chilli is preferred than the flat sticky one
400 gm Dhaniya
1 tbsp pepper
2 tbsp jeera(cumin seeds)
1 tbsp Methi
1 turmeric stick( not the round/conical one but the one that look like twigs) This is optional only if you get use this

Point to Note:
Grind only in Mixie. Don't give it for grinding in mills.

Step 1:
Add 1 tbsp oil and fry channa dhal little bit( just for 2 minutes)
Add Dhaniya to that. Fry it for another 2 minutes. Dhaniya should not become black.

Step 2:
Separately add 3 tbsp oil and fry chilli . ( keep the flame in sim)

Step 3:

Take dry empty pan fry Methi for 2 minutes and add pepper and jeera to that. Fry it for 2 more minutes

Step 4:
Grind all these in mixie and keep it in an air tight container.

Raja the king of music

2005-07-07T05:11:00.000-04:00

Okay.. After a long time I am posting something here.
Was kinda lazy to come and add something here. Also pretty busy with so many activities.
But what made me come here this time. Raja's Thiruvasagam made it.
I am going to be a proud owner of the collector's edition in a week from now.
Its going to be delivered directly from the studio. Amazing isn't it!!
If you don' know what I am talking about either you are not a Raja fan or you are from other parts of the country.
"Thiruvasagathukku urugaar, oru vasagathukkum urugaar"
Raja has composed 6 of those and sung 5 of them. Don't know who sung the other one.

What did I do recently??

2005-05-03T09:02:00.000-04:00

Movies that I saw:

Ayya: Good one. Hari is still "hurrying" to glory..

Chandramukhi:For Thalaivar Fans definitely "Rajni" factor is missing. Good story line.Could have been better if direction was good. Even though everybody gives great rating, CMukhi is let down by Jyotika. Vadivelu helps us in driving away boredom.
Nayanthara,who? Where?
Okay. When will Thalaivar's next will come?

Sachin: Exactly like Sachin Tendulkar nowadays.

Books That I read:

Jeff Archer: 36 Collected short stories. Jeff never fails.
Organisational behaviour: Thinking about it ;-))

Songs that I am singing:

Oru vaartha from Ayya
Ding dong koil mani from G

Food that I made:
Uralaikizhangu bajji. Came well but hurt myself during the process ;-(

New year greetings!!!

2005-04-14T02:23:00.000-04:00

புத்தாண்டு வாழ்த்துக்கள்

Recently read books

2005-03-31T03:51:00.000-05:00

Da Vinci Code, Angels and Demons, The Chamber, The Winner,
Art of War, The McKinsey way, Art of innovation,

In Tamizh: Sivam

Another Routine Day

2005-03-14T08:20:00.000-05:00

Another routine day at work. What else can I say?
just another ordinary day. Heard that my friend escaped from a near-death accident. Still depressed because of the state of transportation in this part of the world.

Enjoy Singapore

2005-03-01T22:07:00.000-05:00

I am at singapore for the last 1 week. A lovely place to roam around with lots of places like beaches, parks, flora and fauna.Don't miss the Sentosa and the musical fountain.

Digital Library of India

2005-01-19T12:20:00.000-05:00

Digital Library of India

Why Carnatic Music?

2005-01-14T13:15:00.000-05:00

As an enthusiast of Carnatic Music, I like its depth and breath. We dont know the value of anything until we really understand or try to understand it. But most of the times it is tarnished saying it is "saami paatu" an image painted by the pro-dravidian politics or "slow-songs" by the music enthusiasts who like the rhythm based music.Here is an outsider's view of
Why Carnatic Music?

என் முதல் தமிழ் இணைய பதிவு முயற்ச்சி

2005-01-03T14:54:00.000-05:00

புத்தாண்டு வாழ்த்துக்கள்!!!!
புத்தாண்டில் முத்ல் முயற்ச்சியாக தமிழிணைய முயற்ச்சி!!!!!
வெற்றி!!! வெற்றி!!!

Kadhal Vaanoli

2004-12-31T15:22:00.000-05:00

Song lyrics that I liked recently
*********************************
Kadhal vaanoli seythi solluthey
Moga mootanGal manathai thoduma....
manathai thoduma..

Vanga kadal pol nenjal kadal pol
Kaadhal puyal than maiyyam idumaa

Irubathu nodigalil iruthaya araigalil
miruthanga oligalam kettunavo

Ivaniru kaigalil irupathu viralgalai
ivalthu viralgalum serthanavo

Yaarum nadatkkatha salaiyliey
KaDhalin thadangal therigindrantho

Thandavalathin oRathiley
Patampoochigal paratkindratho..

vannathu poochigal parathnthal yenna
viralodo vannam sirithidomo

thodava thodava thoddav
manathai thodava
idava idava
maiyyam idava

marakkothi paravayum
marankothi poguthey

manathirgul adai mazhai adikkarithey

mazhai nindru ponaalum
marakkilai thooruthey

maiyyal ida patti mandram nadakkirathey

indru neerveezhnthu
indreythan malarum thavaram ullathuvo

ithayakkilayoda poopookum
kadhal thavaram than athuvo...

Kottayum kavalum irunthal yenna
kaatraga kadhal nuzhaigirathey..

Tsunami Help

2004-12-30T11:23:00.000-05:00

Today, decided what to do now from my side for this Killer Tsunami

Action Item 1: Donation of Money thru various channels available.
Priority TN first as it is homestate and channels available right now are JCET friends and the company I work for and some friends back home.
My company has started a relief fund
Few friends of mine have decided to collect clothes and food and deliver directly to victims in Chennai. Taking part in that even though I am out of town.
Action item 2: Taking part in the Tsunami help website
Action item 3: Rehabilitation of the victims in the long run is going to be a big task for any country. Various activities can be organized internally thru company and to take part in that.
Action item 4: Long term disaster recovery. How IT can help in these. Learning from the current scenario for long term measures taken for country like India.

Tsunami

2004-12-29T10:00:00.000-05:00

Asia has been brutally attacked by a killer Tsunami reportedly killing 100,000 people
The worst part of the most tragedies in the world particularly in the developing nations is many poor people are getting affected.
For being so vulnareable for most of the diseases and poor living conditions the "survival of the fittest" game takes the toll of these people.
With no prior warning, Tsunami attacked the coastal belt of TamilNadu the state from where I am from. The living conditions in the coastal region is bad. Even though Marina is the second longest beach in the world, it never gots it part of the world attention so far for good reasons.

Please visit the Tsunami Help to take part in the activity of Tsunami Relief.
Includes right from Information about to missing people to blog help request.

Tamil Songs I like...

2004-12-09T18:53:00.000-05:00

Azhagiya Theeye - Vizhingalin Aruginil
Pennin manathai thottu - kannukkulley unnai vaithen kannamma
Pennin manathai thottu - Thiagarajarin
Kandukondaen ^2 - kannamoochi yenada
Poovellam Kettuppar - CHUDIDHAR ANIDHU VANDHA SORGAMEY
Paandavar Boomi - Avar avar vaazhkkakayil maatrangal.
Yenakku20 Unakku 18 - Etho Etho ondru
Kadhal Virus - enthan vaanin kadhal nilave
Machhna paartheengala - Maam poove oru mainavey
Thoongathey thambi thoongathey - Nananaga naanillai thaye
Unakkagavey Vaazhgiraen - Kanna unai thedugiraen.
Geethanjali - Oru jeevan azhaithathu
Ingeyum oru gangai - Solay Pushapangaley-
Little john - Mister dont treat me like a sister.
vedham puthithu - Kannunkkul nooru nilava
panner pushpanga - poonthalir aada
paynangal mudivathialli - salai oram solai ondru

Tamil with Firefox

2004-12-03T18:27:00.000-05:00

Can anyone tell me how to setup Tamil fonts with Firefox?

Recipes of Indians

2004-12-03T10:52:00.000-05:00

I am going to Blog the following recipies from my Mom so that anybody wants it can use it. So Technically this is going to be my Mom's Blog
Sambar
Curd Rice
Dosa
Ulundu Vadai
Puliseri
Yeriseri
Vatha Kuzhambu
Karuvadam
Vadam( Vadagam)
Yelumichai Urugai
Avakkai Mangai
Chakka Varatti
Gothumai Halwa
MysorePak
Idly
Adai
Avial
Vendhaya Kuzhambu
Keerai
Milagu Rasam
Paruppu Rasam
Varuthu Araicha Kozhambu
Paruppu Usili
Kathirikkai

How to post in Tamil fonts

2004-12-02T16:30:00.000-05:00

I have a query for fellow bloggers who post in Tamil
how do you guys do that?

Novice post

2004-12-02T16:22:00.000-05:00

I am novice to the BLOG. Testing

கற்றது கைமண்ணளவு

அரசூர் வம்சம்

சிந்தாநதி - அஞ்சலி

மே மாத புகைப்பட போட்டிக்கு

எகொஇச?

ஆறு வார்த்தைக் கதைகள்

சிறுகுற்றம் பெருங்கேடு

ஜெயாக்கா!!

புகைப்படப் போட்டிக்கு - 6

அம்புலிமாமா, கோகுலம், பூந்தளிர்

புரட்சி நாளை வருகிறது!!

VoIPக்கு கதவை திறக்குது இந்தியா!!

புகைப்பட போட்டிக்கு-5

புகைப்படங்கள்

Reply All மற்றும் மின்னஞ்சல் குளறுபடிகள்

பிடித்த இணையப்பக்கத்தை சேமித்து வைப்பது எப்படி?

தமிழில் தளமுகவரி!! கனவு மெய்ப்படட்டும்!!

நம் கல்விமுறை உருப்படுமா?

புகைப்பட போட்டிக்கு -4

Blogger, Wordpress, Blog, Webhosting, domain கேள்விகள்!!!!

புகைப்பட போட்டிக்கு -3

பட்டறையின் நோக்கத்தை கேள்வி கேட்கும் 'தமிழ் தெரிந்தவனுக்கு'...

கறுப்பு வெள்ளைப்படங்களும் உணர்ச்சிகளும்

புகைப்படப் போட்டிக்கு - 2

புகைப்படப் போட்டிக்கு

என் தொகுப்பிலிருந்து!!

சோதனை

கூடா நட்பு

.......னா?

மங்கும் மின்மினி

எச்சரிக்கை:இது ஒரு வெட்டி பதிவு

கண்ணதாசனும் கத்திரிக்காயும்

நூலினால் சுட்ட வடு...

மாண்புமிகு முதல்வருக்கு ஓர் கோரிக்கை மடல்

நிகழ்நேர இயங்குதளம் - ஓர் அறிமுகம்

இலவசகொத்தனாருக்கு சமர்ப்பணம் அல்லது படம் காட்டுதல்

நுனிப்புல்

மாண்புமிகு முதல்வருக்கு ஓர் கோரிக்கை மடல்

இளவேனிற் காலம்

கருணாநிதி குடும்ப மரம்

கறுப்பு கூகிளும் சுற்றுச்சூழலும்

இன்பத்தேன் வந்து..

சபாஷ்.. சரியான போட்டி!!!

என்றும் பதினாறு - 1

மறுஉருவாக்கம்

இணைய வானொலி முடிவுக்கு வருமா?

எத்தனை கோடி அழகை வைத்தாய் இறைவா...

பரபரப்பு தகவல்: இங்கிலாந்து ராணி இந்தியாவிடம் மன்னிப்பு!!

சிவாஜி

﻿தேன்கூட்டுக்கு என்ன ஆச்சு?

2007 வந்த பார்க்கவேண்டிய படங்கள் யாவை?

புதுப்பதிவர் அறிய வேண்டிய மற்றும் ஒர் முக்கிய விஷயம்!!

வணக்கம் தமிழ்மண பதிவர்களே

உலகம் அழிந்துவிட்டால்

தமிழனின் வரலாறு

பகுத்தறிவுக்கு ஜே!!

How to Post in Tamizh? தமிழில் பதிவு செய்வதெப்படி?

Unbelievable Vaiko!!

பல நாட்டு கூட்டாஞ்சோறு

Jethmalanikku Jey!!

அருமை

தமிழ் விசைப்பலகை

Recent Movies

தொடரும் நட்பு

The greatest Farce

Hypocracy is good!!!

மீண்டும் சென்னை சென்றிருந்தேன்

Trying to upload an image

Back again

rECIPE

Raja the king of music

What did I do recently??

New year greetings!!!

Recently read books

Another Routine Day

Enjoy Singapore

Digital Library of India

Why Carnatic Music?

என் முதல் தமிழ் இணைய பதிவு முயற்ச்சி

Kadhal Vaanoli

தேன்கூட்டுக்கு என்ன ஆச்சு?